സിനിമാപ്രേക്ഷകര്‍ക്കിടയില്‍ വലിയ ശ്രദ്ധ നേടിയ ചിത്രമായിരുന്നു ടൊവിനോ തോമസ് നായകനായ മിന്നല്‍ മുരളി. നെറ്റ്ഫ്‌ളിക്‌സില്‍ റിലീസ് ചെയ്ത ചിത്രം ഇന്ത്യക്ക് പുറത്തേക്കും സാന്നിധ്യമറിയിച്ചിരുന്നു.
എന്നാല്‍ ചിത്രത്തില്‍ അണിയറപ്രവര്‍ത്തകര്‍ ശ്രദ്ധിക്കാത്ത 87 അബദ്ധങ്ങള്‍ സംഭവിച്ചിട്ടെന്ന് പറയുകയാണ് ഒരു യൂട്യൂബര്‍. കിരണ്‍ ജോണ്‍ ഇടികുള എന്ന യൂട്യൂബ് ചാനലിലൂടെയാണ് ഇതുസംബന്ധിച്ച ഒരു വീഡിയോ പുറത്തുവരുന്നത്.
‘അബദ്ധങ്ങളൊന്നുമില്ലാത്ത ഒരു സിനിമ പോലുമില്ല, അതിനാല്‍ ഈ അബദ്ധങ്ങളൊന്നും സിനിമയെ നെഗറ്റീവായി ബാധിക്കുന്നില്ല,’ എന്ന ക്യാപ്ഷനിലൂടെയാണ് ചാനല്‍ വീഡിയോ പങ്കുവെച്ചിരിക്കുന്നത്.
തുടക്കത്തിലെ ഉത്സവ പറമ്പില്‍ നാടകം നടക്കുമ്പോഴുള്ള സീനില്‍ വേദിയിലുള്ളവര്‍ക്ക് രക്ഷപ്പെടാന്‍ അവസരമുണ്ടായിട്ടും രക്ഷപ്പെട്ടില്ല, പാസ്പോര്‍ട്ട് ഓഫീസില്‍ നിന്ന് ജെയ്സണ് വരുന്ന ലെറ്ററിലെ പിശക്, ചായക്കടയില്‍ ഇരിക്കുന്ന എസ്.ഐയുട വാച്ചിന്റെ ഗതി മാറിയത്, കഥാപാത്രങ്ങളുടെ വ്യത്യസ്ത ഷോട്ടുകളിലുള്ള വ്യത്യസ്ത വസ്ത്രങ്ങള്‍, സൂക്ഷിച്ച് നോക്കിയാല്‍ ജെയ്സണെ എസ്.ഐ സാജന്‍ തല്ലുമ്പോള്‍ കയ്യ് മുഖത്തിന്റെ അടുത്തുകൂടെ പോലും പോകുന്നില്ല ഇതെല്ലാം വീഡിയോയിലുണ്ട്.