അമേരിക്കന്‍ പോണ്‍താരം മിയ മല്‍ക്കോവയെ നായികയാക്കി രാം ഗോപാല്‍ വര്‍മ്മ സംവിധാനം ചെയ്ത ഡിജിറ്റല്‍ ചിത്രം ഗോഡ് സെക്‌സ് ആന്‍ഡ് ട്രൂത്ത് കഴിഞ്ഞ ദിവസം റിലീസ് ചെയ്തിരുന്നു. മികച്ച പ്രതികരണമാണ് ഈ സിനിമ നേടുന്നത്. അതേ സമയം അശ്ലീല ചിത്രമാണ് ജിഎസ്ടിയെന്നും അതു യുവജനതയെ വഴിതെറ്റിയ്ക്കുമെന്നും ആരോപിച്ച് വിവാദങ്ങളുണ്ടായിരുന്നു. എന്നാല്‍ ഇപ്പോള്‍ ഈ സിനിമ ഏറ്റവും കൂടുതല്‍ ഇഷ്ടപ്പെട്ടത് സ്ത്രീകളാണ് എന്ന വെളിപ്പെടുത്തലുമായി രംഗത്തു വന്നിരിക്കുകയാണ് സംവിധായകന്‍ രാം ഗോപാല്‍ വര്‍മ്മ.
സിനിമയെ പുകഴ്ത്തി തനിയ്ക്ക് സ്ത്രീകളുടെ മെസേജുകള്‍ വന്നു കൊണ്ടിരിക്കുകയാണെന്ന് അദ്ദേഹം ട്വീറ്റ് ചെയ്തു . സ്ത്രീ ലൈംഗികതയെ പരിശുദ്ധമായിട്ടാണ് ചിത്രത്തില്‍ അവതരിപ്പിച്ചിരിക്കുന്നതെന്നും സ്ത്രീശരീരത്തെ ഇത്രയും ബഹുമാനപൂര്‍വ്വം അവതരിപ്പിച്ച മറ്റൊരു ചിത്രമില്ലെന്നും ഒരു സ്ത്രീ അഭിപ്രായപ്പെട്ടതായി ആര്‍ജിവി വെളിപ്പെടുത്തി. കൂടുതല്‍ സ്ത്രീകളും ഇത് അവര്‍ക്ക് ലഭിച്ച ആദരവായാണ് ജി എസ്ടിയെ കണക്കാക്കുന്നത്.
തനിയ്ക്ക് സന്ദേശമയച്ച സ്ത്രീകള്‍ക്കെല്ലാം സംവിധായകന്‍ നന്ദിയറിയിച്ചിട്ടുണ്ട്. ചിത്രം ഇതുവരെ കാണാത്ത സ്ത്രീകള്‍ ഇതു കാണണമെന്നും താന്‍ സ്ത്രീകളെ എങ്ങനെ ബഹുമാനിയ്ക്കുന്നു എന്ന് അപ്പോള്‍ അവര്‍ക്കു മനസിലാക്കാന്‍ സാധിക്കുമെന്നും ആര്‍ജിവി കൂട്ടിചേര്‍ത്തു.
അതേസമയം ചിത്രത്തിന്റെ തിരക്കഥ തന്റേതാണെന്നും രാം ഗോപാല്‍ വര്‍മ്മ തന്ത്രപരമായി അതു മോഷ്ടിച്ചതാണെന്നും ആരോപിച്ച് തിരക്കഥാകൃത്ത് ജയകുമാര്‍ പോലീസില്‍ പരാതി നല്‍കിയിട്ടുണ്ട്.