ബോക്‌സ് ഓഫീസില്‍ ചാമ്പ്യന്‍ 'ദാവീദ്', പിന്നാലെ 'ബ്രൊമാന്‍സ്', മൂന്നാമതായി 'പൈങ്കിളി'; കളക്ഷന്‍ റിപ്പോര്‍ട്ട് പുറത്ത്

സിനിമാ സംഘടനകളുടെ തര്‍ക്കത്തിനിടയില്‍ സിനിമകളുടെ കളക്ഷനില്‍ ഇടിവ്. ഇന്നലെ പുറത്തിറങ്ങിയ ‘പൈങ്കിളി’, ‘ബ്രൊമാന്‍സ്’, ‘ദാവീദ്’ എന്ന സിനിമകളുടെ കളക്ഷന്‍ റിപ്പോര്‍ട്ടുകളാണ് പുറത്തുവന്നിരിക്കുന്നത്. ആദ്യ ദിനം മികച്ച കളക്ഷനാണ് ചിത്രങ്ങള്‍ നേടിയിരിക്കുന്നത്. എന്നാല്‍ ഒരു കോടി കളക്ഷന്‍ നേടാന്‍ സിനിമകള്‍ക്ക് സാധിച്ചിട്ടില്ല. സാക്‌നില്‍ക്.കോം ആണ് കളക്ഷന്‍ കണക്കുകള്‍ പുറത്തുവിട്ടിരിക്കുന്നത്.

ആന്റണി വര്‍ഗീസ് നായകനായ ദാവീദ് 90 ലക്ഷം രൂപയാണ് ഓപ്പണിങ് ദിനത്തില്‍ ബോക്‌സ് ഓഫീസില്‍ നിന്നും നേടിയത്. ഇന്നലെ പുറത്തിറങ്ങിയ മൂന്ന് ചിത്രങ്ങളില്‍ കൂടുതല്‍ കളക്ഷന്‍ നേടിയ ചിത്രമാണ് ദാവീദ്. ഗോവിന്ദ് വിഷ്ണു സംവിധാനം ചെയ്ത ചിത്രം ആക്ഷന്‍ പടമായാണ് എത്തിയത്. ലോകപ്രശസ്തനായ ഒരു ബോക്‌സറും കഥാനായകനായ ആഷിക്ക് അബുവും തമ്മിലുള്ള പോരാട്ടത്തിന്റെ കഥയാണ് ദാവീദ് പറയുന്നത്.

കളക്ഷന്‍ കണക്കുകളില്‍ രണ്ടാം സ്ഥാനത്ത് മാത്യു തോമസ്, അര്‍ജുന്‍ അശോകന്‍, മഹിമ നമ്പ്യാര്‍, ശ്യാം മോഹന്‍, സംഗീത് പ്രതാപ് എന്നിവര്‍ ഒന്നിച്ച ബ്രൊമാന്‍സ് എന്ന ചിത്രമാണ്. ആദ്യ ദിനം 70 ലക്ഷം രൂപയാണ് ബ്രൊമാന്‍സ് നേടിയത്. അരുണ്‍ ഡി ജോസ് ആണ് ചിത്രം സംവിധാനം ചെയ്തത്. കലാഭവന്‍ ഷാജോണ്‍, ബിനു പപ്പു എന്നിവരാണ് ചിത്രത്തില്‍ മറ്റ് പ്രധാന വേഷങ്ങളിലെത്തുന്നത്.

അനശ്വര രാജനും സജിന്‍ ഗോപുവും ഒന്നിച്ച പൈങ്കിളി ചിത്രത്തിന് 60 ലക്ഷം രൂപയാണ് ആദ്യ ദിനം തിയേറ്ററില്‍ നിന്നും നേടാനായത്. ജിത്തു മാധവന്റെ രചനയില്‍ ശ്രീജിത്ത് ബാബു ആണ് ചിത്രം സംവിധാനം ചെയ്തത്. ജിസ്മ വിമല്‍, റോഷന്‍ ഷാനവാസ്, അബു സലിം, റിയാസ് ഖാന്‍, സംവിധായകന്‍ ലിജോ ജോസ് പെല്ലിശേരി, ചന്ദു സലിം കുമാര്‍ തുടങ്ങിയവര്‍ സിനിമയുടെ ഭാഗമാണ്.

Latest Stories

കേരളത്തിന് എന്തിന് ഇങ്ങനൊരു മന്ത്രി; സിസ്റ്റം നന്നാക്കാന്‍ കഴിവില്ലെങ്കില്‍ വീണ രാജി വെച്ചു പോകണം; ബിന്ദുവിന്റെ മരണം സര്‍ക്കാര്‍ സ്പോണ്‍സേര്‍ഡ് കൊലപാതകമെന്ന് ചെന്നിത്തല

IND VS ENG: ഇംഗ്ലണ്ടിനെ എയറിലാക്കി ആകാശ് ദീപ്; തുടക്കം ഗംഭീരമാക്കി ഇന്ത്യ

IND VS ENG: എന്നെ കൊണ്ട് ഒന്നും നടക്കില്ലെന്ന് പറഞ്ഞവർക്കുള്ള മറുപടി; ഇംഗ്ലണ്ടിനെതിരെ ശുഭ്മാൻ ഷോ

വീണ ജോര്‍ജിന് ദേഹാസ്വാസ്ഥ്യം; കൊട്ടാരക്കര താലൂക്ക് ആശുപത്രിയില്‍ ചികിത്സ തേടി

സംസ്ഥാനത്ത് കാക്കളില്‍ വരെ പക്ഷിപ്പനി; നിയന്ത്രിക്കാന്‍ കഴിയാത്ത വിധം; കേന്ദ്ര സഹായം ആവശ്യമെന്ന് ജെ ചിഞ്ചുറാണി

അംഗീകരിക്കേണ്ട സന്ദര്‍ഭത്തില്‍ അതും വിമര്‍ശിക്കേണ്ട സന്ദര്‍ഭത്തില്‍ അതും ചെയ്യുന്നു; എം സ്വരാജിനെ വിമര്‍ശിച്ച് മീഡിയ വണ്‍ എഡിറ്റര്‍

IND VS ENG: പൂ പറിക്കുന്ന ലാഘവത്തിൽ ക്യാപ്റ്റൻ ​ഗിൽ, കുതിപ്പ് ഇരട്ട ശതകം താണ്ടി, ഇന്ത്യ മികച്ച സ്കോറിലേക്ക്

എല്ലാം മന്ത്രിമാര്‍ പറഞ്ഞു, തനിക്ക് ഒന്നും പറയാനില്ലെന്ന് മുഖ്യമന്ത്രി; വീഴ്ച സമ്മതിക്കാതെ ആരോഗ്യമന്ത്രി

മികച്ച കവർ ഡ്രൈവ് കളിക്കുന്ന കളിക്കാരുടെ പട്ടിക: ഗവാസ്കറിന്റെ തിരഞ്ഞെടുപ്പിൽ ക്രിക്കറ്റ് പ്രേമികൾക്ക് കൗതുകം

സെക്രട്ടേറിയേറ്റ് മാര്‍ച്ചില്‍ സംഘര്‍ഷം; നാളെ സംസ്ഥാന വ്യാപകമായി കെഎസ്‌യു വിദ്യാഭ്യാസ ബന്ദ്