മിനിസ്ക്രീന് പ്രേക്ഷകര്ക്കും ബിഗ്സ്ക്രീന് പ്രേക്ഷകര്ക്കും ഒരുപോലെ സുപരിചിതയായ നടിയാണ് മഞ്ജു പത്രോസ്. ഇപ്പോഴിതാ ഭര്ത്താവുമായി വേര്പിരിഞ്ഞു എന്ന തരത്തില് പ്രചരിക്കുന്ന വാര്ത്തകള്ക്ക് മറുപടിയുമായി എത്തിയിരിക്കുകയാണ് നടി. മഞ്ജു പത്രോസ് എന്ന നടിയുടെ പേരാണ് പലരിലും സംശയമുണ്ടാക്കിയത്. മഞ്ജു സുനിച്ചന് എന്ന പേരിലും അറിയപ്പെടാറുണ്ട് താരം. “എങ്ങനെ ജീവിക്കണം ആരുടെ കൂടെ ജീവിക്കണം എന്നുളളത് പേഴ്സണല് ചോയ്സാണെന്ന്” എന്ന് മഞ്ജു പറയുന്നു. “സുനിച്ചനെ ഡിവോഴ്സ് ചെയ്തിട്ടില്ല. എന്റെ അപ്പന്റെ പേരാണ് പത്രോസ്”.
“1982 ഫെബ്രുവരി 27ാം തീയതി എന്നെ കൈയ്യിലോട്ട് മേടിച്ച മനുഷ്യനാണ്, എന്റെ അപ്പനാണ് പത്രോസ്. ആ മനുഷ്യന്റെ കൂടെ ജീവിക്കുന്നതില് ഞാന് ഒരു തെറ്റും കാണുന്നില്ല. സുനിച്ചന് ഗള്ഫിലാണ്. 2005ലാണ് സുനിച്ചനുമായുളള വിവാഹം”, മഞ്ജു പറയുന്നു.
വിവാഹം കഴിഞ്ഞപ്പോള് ഞാന് സുനിച്ചനോട് പറഞ്ഞു പേര് ഞാന് മാറ്റില്ലെന്ന്. അപ്പന്റെ പേര് എന്റെ പേരിന്റെ കൂടെ കാണും. അപ്പോ സുനിച്ചനും കുഴപ്പമില്ലെന്ന് പറഞ്ഞു. എല്ലായിടത്തും മഞ്ജു പത്രോസ് എന്ന് തന്നെയാണ്. എന്നാല് വെറുതെ അല്ല ഭാര്യയുടെ സമയത്ത് ഞാനും സുനിച്ചനും ഒരുമിച്ച് മല്സരിക്കുന്നത് കൊണ്ട് മഞ്ജു സുനിച്ചന് എന്നായിരുന്നു പേര്. ഈ പേരില് ആളുകള് എന്നെ തിരിച്ചറിയാന് തുടങ്ങി.
കല്യാണം കഴിഞ്ഞതുകൊണ്ട് എന്റെ പേരിനൊപ്പം ഭര്ത്താവിന്റെ പേരുണ്ടെന്നാണ് അവരുടെ വിചാരം. പക്ഷേ എന്നോട് പെട്ടെന്ന് ഒരാള് ചോദിക്കുമ്പോ മഞ്ജു പത്രോസ് എന്ന പേരാണ് പറയുക. അതാണ് ഇവിടെ നടന്നുകൊണ്ടിരിക്കുന്നത്. ഇന്ഡസ്ട്രിയില് കുറച്ച് തിരക്ക് വന്ന സമയത്ത് ബാങ്ക് സ്റ്റേറ്റ്മെന്റിലും മറ്റു നമ്മുടെ ഒറിജിനല് പേരാണ് കൊടുത്തത്”.
ആ റിയാലിറ്റി ഷോ കഴിഞ്ഞ ശേഷം സാവധാനം എല്ലാവരും മഞ്ജു പത്രോസ് എന്ന് വിളിച്ചുതുടങ്ങി. അത് മീഡിയയില് വന്ന് തുടങ്ങിയപ്പോഴാണ് പലര്ക്കും സംശയമുണ്ടായത്. പിന്നെ സുനിച്ചന് ഗള്ഫിലായതുകൊണ്ട് എന്റെ കൂടെ ഉണ്ടാവാറില്ല. അപ്പോ എല്ലാവര്ക്കും സംശയമായി. ഇപ്പോ മഞ്ജു സുനിച്ചന് എന്ന് കേള്ക്കുന്നില്ല, സുനിച്ചനെ കൂടെ കാണുന്നില്ല എന്നൊക്കെ. അപ്പോ പലരും പറയുവാണ് പത്രോസ് എന്ന പുതിയ ആളെ അവള്ക്ക് കിട്ടിയുണ്ടെന്ന്. ഇതാണ് ഇതിന്റെ വാസ്തവം”.
“ഞാനും സുനിച്ചനും സന്തോഷമായിട്ട് ജീവിക്കുന്നതില് ആര്ക്കാ ഇവിടെ കുഴപ്പം”,എന്നും ചോദിക്കുന്നു. ഒരു ഇരുപത് ശതമാനം ആളുകള് മാത്രമാണ് അനാവശ്യമായി ജീവിതത്തില് ഇടപെടുന്നത്. ബാക്കിയുളളവരെല്ലാം നിങ്ങള് എന്തിനാണ് ഇങ്ങനെ ചെയ്യുന്നത്, അവര് ജീവിച്ചോട്ടെ, അവരെ സമാധാനമായിട്ട് ജീവിക്കാന് വിടൂ എന്ന് പറയും. പത്രോസ് എന്റെ പപ്പയാണ്” എന്നും മഞ്ജു പറഞ്ഞു.