മരണം വരെ അഭിനയിക്കണം.. സംവിധായകന്‍ കട്ട് പറഞ്ഞാലും പിന്നെ ഞാന്‍ ഉണരില്ല: ഷാരൂഖ് ഖാന്‍

മരണം വരെ അഭിനയിക്കണം എന്നാണ് തന്റെ ആഗ്രഹമെന്ന് ബോളിവുഡ് താരം ഷാരൂഖ് ഖാന്‍. ലൊകാര്‍ണോ ഫിലിം ഫെസ്റ്റിവലിലെ ഒരു സംവാദത്തിനിടെയാണ് ഷാരൂഖ് സംസാരിച്ചത്. എന്നും അഭിനയിച്ചു കൊണ്ടേയിരിക്കുമോ എന്ന് ചോദിച്ചപ്പോഴാണ് താരം, അഭിനയിച്ചു കൊണ്ടിരിക്കവെ മരിക്കണം എന്നാണ് ആഗ്രഹമെന്ന് തുറന്നു പറഞ്ഞത്.

”ഞാന്‍ മരിക്കുന്ന ദിവസം, സെറ്റില്‍ ആരെങ്കിലും ആക്ഷന്‍ പറയണം, പക്ഷെ കട്ട് പറഞ്ഞാലും ഞാന്‍ എഴുന്നേല്‍ക്കില്ല. അങ്ങനെ മരിക്കണം എന്നാണ് എന്റെ ആഗ്രഹം. മരണം വരെ അഭിനയം തുടരണം എന്നാണ് എന്റെ ആഗ്രഹം” എന്നാണ് ഷാരൂഖ് ഖാന്‍ പറയുന്നത്. ഇതിനൊപ്പം താന്‍ അഭിനയത്തിലാണ് സന്തോഷം കണ്ടെത്തുന്നത് എന്നും ഷാരൂഖ് പറയുന്നുണ്ട്.

”ഞാനൊരു സീരിയസ് ആക്ടര്‍ അല്ല. പക്ഷെ എന്നെ അതിശയിപ്പിക്കുന്ന എന്തെങ്കിലും അഭിനയവുമായി ബന്ധപ്പെട്ട കാര്യങ്ങള്‍ മറ്റുള്ളവരില്‍ കണ്ടാല്‍ അത് ഞാന്‍ സൂക്ഷിക്കും. എന്റെ ജീവിതത്തിലെ സന്തോഷങ്ങള്‍ ഞാന്‍ അഭിനയത്തിലൂടെയാണ് ആഘോഷിക്കാറ്.”

”എനിക്ക് നിങ്ങളെ എന്റര്‍ടെയ്ന്‍ ചെയ്യാന്‍ കഴിവ് ഉണ്ടെങ്കില്‍, എന്നെ സംബന്ധിച്ചിടത്തോളം, ഭ്രാന്തമായി അല്ല, അതിശയകരമായി, ഭ്രാന്തമായ ശാസ്ത്രത്തിലൂടെ ഏത് സെന്‍സിലും അതിന് സാധിക്കും. സ്‌നേഹം പങ്കിടാന്‍ ഞാന്‍ സന്തോഷം നല്‍കാന്‍ ആഗ്രഹിക്കുന്നു. കല, പെയ്ന്റിങ്, പാട്ട്, സംഗീതം എല്ലാം എനിക്ക് ഒരുപോലെയാണ്. ഒരു വ്യത്യാസവുമില്ല.”

”എനിക്ക് രണ്ട് മിനുറ്റ് നേരം എങ്കിലും നിങ്ങളെ എന്റര്‍ടെയ്ന്‍ ചെയ്യാന്‍ സാധിച്ചാല്‍ അത് സ്‌നേഹമാണ്. എനിക്ക് ആരെയെങ്കിലും 50 വര്‍ഷത്തോളം പ്രണയിക്കാന്‍ കഴിഞ്ഞാല്‍ അത് എന്റര്‍ടെയ്ന്‍മെന്റ് ആണ്. എനിക്ക് 30 സെക്കന്‍ഡ് എങ്കിലും എന്റര്‍ടെയ്ന്‍ ചെയ്യാന്‍ കഴിഞ്ഞാല്‍ അത് ക്രിയേറ്റീവ് ആണ്.”

”അതുകൊണ്ട് എല്ലാം ഒന്നിച്ച് ചേര്‍ത്ത് സന്തോഷം പങ്കിടാനും മറ്റുള്ളവരെ സന്തോഷിപ്പിക്കാനും ഞാന്‍ ഇഷ്ടപ്പെടുന്നു. ചിലപ്പോള്‍ അത് പറ്റില്ല. അത് എന്നെ സങ്കടപ്പെടുത്തും. എന്തുകൊണ്ടാണ് ആളുകള്‍ എന്നെ നിരാശപ്പെടുത്തുന്നത്. എന്തുകൊണ്ടാണ് അവര്‍ക്ക് വേണ്ടത്ര സ്‌നേഹമോ വിനോദമോ ക്രിയേറ്റിവിറ്റിയോ നല്‍കാന്‍ കഴിയാത്തത് എന്ന് തോന്നും” എന്നാണ് ഷാരൂഖ് ഖാന്‍ പറയുന്നത്.

Latest Stories

അമേരിക്കയെ ആക്രമിച്ചാല്‍ ഇതുവരെ കാണാത്ത രീതിയിലുള്ള തിരിച്ചടി ഉണ്ടാകും; സൈന്യത്തിന്റെ മുഴുവന്‍ ശക്തിയും കരുത്തും ഉപയോഗിക്കും; ഇറാന് താക്കീതുമായി ട്രംപ്

സംസ്ഥാനത്ത് കനത്ത മഴ തുടരുന്നു; എട്ട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധി

സംസ്ഥാനത്ത് ഒരു മാറ്റം കൊണ്ടുവരണം; അതിനുള്ള അവസരമാണ് നിലമ്പൂര്‍ ഉപതിരഞ്ഞെടുപ്പെന്ന് പ്രിയങ്ക ഗാന്ധി

യുഎസിലേക്ക് ഇനി എളുപ്പത്തില്‍ പറക്കാനാവില്ല; 36 രാജ്യങ്ങള്‍ക്ക് യാത്രാവിലക്കുമായി ഡൊണാള്‍ഡ് ട്രംപ്

ചങ്ങാത്തം പിന്നീട് ശത്രുത, ഇസ്രയേല്‍ - ഇറാന്‍ സംഘര്‍ഷ ചരിത്രം

പുനൈയിലെ വിനോദ സഞ്ചാരകേന്ദ്രത്തില്‍ പാലം തകര്‍ന്നുവീണു; ആറ് മരണം, 20ല്‍ ഏറെ പേര്‍ ഒഴുക്കില്‍പ്പെട്ടു

'അല്‍പം കൂടി വൈകിയിരുന്നെങ്കിൽ കൊലപാതകിക്ക് നഷ്ടപരിഹാരം നൽകേണ്ടി വരുമായിരുന്നു, വനത്തിനുള്ളിൽ നടക്കുന്ന മരണങ്ങളെല്ലാം വനംവകുപ്പിന്‍റെ പേരിലാക്കുന്നു'; എ കെ ശശീന്ദ്രൻ

മിഡില്‍ ഈസ്റ്റിന്റെ ഗതി നിയന്ത്രിക്കുന്ന യുദ്ധമുഖം; ചങ്ങാത്തം പിന്നീട് ശത്രുത, ഇസ്രയേല്‍ - ഇറാന്‍ സംഘര്‍ഷ ചരിത്രം

വക്കീല്‍ നോട്ടീസൊക്കെ അയച്ചോട്ടെ; പ്രതിഷേധത്തില്‍ പങ്കെടുക്കാതിരുന്നത് ജമാ അത്തെ ഇസ്ലാമി മാത്രം; പറഞ്ഞത് ഇപ്പോഴും ആവര്‍ത്തിക്കുന്നുവെന്ന് എംവി ഗോവിന്ദന്‍

കമലിനെ ആക്രമിക്കാന്‍ എത്തിയതോ? പൊതുവേദിയില്‍ വാളുമായി ആരാധകന്‍; ദേഷ്യപ്പെട്ട് താരം, വീഡിയോ