ദീപിക പദുക്കോണിനും രണ്വീര് സിംഗിനും കുഞ്ഞ് ജനിക്കാന് പോകുന്നത് സറോഗസിയിലൂടെയാണെന്ന് പ്രചാരണങ്ങള്. ആദ്യത്തെ കണ്മണിക്കായുള്ള കാത്തിരിപ്പിലാണ് ദീപികയും രണ്വീറും. ഇക്കഴിഞ്ഞ ഫെബ്രുവരിയിലാണ് തങ്ങള്ക്ക് കുഞ്ഞ് പിറക്കാന് പോകുന്നുവെന്ന വിവരം ഇരുതാരങ്ങളും വെളിപ്പെടുത്തിയത്. സെപ്റ്റംബറില് കുഞ്ഞിനെ പ്രതീക്ഷിക്കാമെന്നും പോസ്റ്റില് ഉണ്ടായിരുന്നു.
എന്നാല് ദീപിക ഇപ്പോള് പങ്കുവയ്ക്കുന്ന ചിത്രങ്ങളും ആക്ഷന് രംഗത്തിന്റെ ഷൂട്ടിന് എത്തിയത് കൂടെ ആയതോടെ താരത്തിന്റേത് വാടക ഗര്ഭധാരണമാണോ എന്ന സംശയവുമായാണ് ചിലര് രംഗത്തെത്തുന്നത്. ഒരാഴ്ച മുമ്പ് ദീപിക പോസ്റ്റ് ചെയ്ത ചിത്രമാണ് ഇപ്പോള് താരത്തിന്റെത് സ്വയമേയുള്ള ഗര്ഭധാരണമല്ല എന്ന തരത്തിലെ പ്രചാരണത്തിന് ഇടവച്ചത്.
വെയിലേറ്റ് ടാന് ലൈനുകള് വന്ന ചിത്രമാണ് ചര്ച്ചയ്ക്ക് വഴിവച്ചത്. കമിഴ്ന്നു കിടന്നാല് മാത്രം ലഭിക്കുന്ന ഈ വരകള് ഗര്ഭിണിയായ ദീപികയ്ക്ക് സാധ്യമാണോ എന്നാണ് ചോദ്യം. അല്ലാത്ത നിലയിലെങ്കില് ടാന് ലൈനുകള് ഇത്രയും തെളിഞ്ഞു വരില്ല എന്നാണ് ചിലരുടെ വാദം.
അതേസമയം, രോഹിത് ഷെട്ടിയുടെ ‘സിംഗം എഗെയ്ന്’ എന്ന ചിത്രത്തിലാണ് ദീപിക ഇപ്പോള് അഭിനയിക്കുന്നത്. പൊലീസ് കഥാപാത്രമായി എത്തുന്ന ദീപികയുടെ ആക്ഷന് രംഗങ്ങളാണ് ചിത്രീകരിച്ചു കൊണ്ടിരിക്കുന്നത്.
ലൊക്കേഷനില് നിന്നുള്ള ചിത്രങ്ങള് സോഷ്യല് മീഡിയയില് വൈറലാവുകയാണ്. സംവിധായകന് ഷെട്ടിയുടെയും സ്റ്റണ്ട് ടീം അംഗങ്ങളുടെയും നിര്ദേശങ്ങള്ക്ക് അനുസരിച്ച് നടി സംഘട്ടന രംഗം ചിത്രീകരിക്കാന് തയ്യാറെടുക്കുന്ന ലൊക്കേഷന് ചിത്രങ്ങള് പുറത്തു വന്നിരുന്നു.