ആരാധകര്‍ കാല്‍ക്കല്‍ വീഴുന്നതിനെതിരെ സ്റ്റൈല്‍ മന്നല്‍. ആരാധകരുമായി കോടംബാക്കത്ത് സംഘടിപ്പിച്ച കൂടിക്കാഴ്ചയിലാണ് തമിഴ് സൂപ്പര്‍ സ്റ്റാര്‍ രജനീകാന്ത് കാല്‍ക്കല്‍ വീഴുന്നതിനേക്കുറിച്ച് അഭിപ്രായം പ്രകടിപ്പിച്ചത്.
ആരാധകരുമായുള്ള കൂടിക്കാഴ്ചയില്‍ ചിലര്‍ താരത്തിന്റെ കാല്‍ക്കല്‍ വീണ് നമസ്‌കരിച്ചതാണ് നിലപാട് വ്യക്തമാക്കാന്‍ രജനിയെ പ്രേരിപ്പിച്ചത്.”ദൈവത്തിന്റെയോ അച്ഛനമ്മമാരുടെയോ കാല്‍ക്കല്‍ വീണ് നമസ്‌ക്കിക്കാം. പക്ഷെ പണവും പ്രശസ്തിയും നോക്കി ആരുടേയും കാല്‍ക്കല്‍ വീഴരുത്” രജനീകാന്ത് പറഞ്ഞു.
ആരാധകരുമായുള്ള ആറു ദിവസത്തെ കൂടിക്കാഴ്ചയാണ് രജനികാന്ത് സംഘടിപ്പിച്ചിരിക്കുന്നത്.വ്യാഴാഴ്ചമാത്രം ആയിരത്തോളം ആരാധകരുമായാണ് താരം കൂടിക്കാഴ്ച നട്ത്തിയത്. പാര്‍ട്ടി പ്രഖ്യാപനത്തിന്‍റെ കാര്യം ഞായറാഴ്ച വ്യക്തമാക്കുമെന്നാണ് രജനികാന്ത് പറഞ്ഞിരിക്കുന്നത്.