കോറോഹെൽത്തിലെ കൂട്ടപ്പിരിച്ചുവിടലിൽ തൊഴിൽ വകുപ്പ് ഇടപെട്ടതോടെ തൊഴിലാളികൾക്ക് വെള്ളിയാഴ്ച വരെ ഓഫീസിൽ കയറാമെന്ന് തീരുമാനമായി. കമ്പനി അധികൃതർ 10ാം തീയതി നേരിട്ടെത്തും. നാളെ മുതൽ എല്ലാ സൗകര്യവും ഉറപ്പാക്കിയിട്ടുണ്ട്. ഭക്ഷണം അടക്കമുള്ള കാര്യങ്ങൾക്ക് മുടക്കം ഉണ്ടാകില്ല എന്നും അറിയിച്ചു.
കോറോഹെൽത്തിലെ കൂട്ടപ്പിരിച്ചുവിടൽ മരവിപ്പിച്ചെന്ന ധാരണ പ്രകാരം രാവിലെ ജോലിക്കെത്തിയ ജീവനക്കാരെ ഓഫീസിൽ കയറ്റുന്നത് തടഞ്ഞത് വൻപ്രതിഷേധത്തിന് കാരണമായി. ജീവനക്കാർക്ക് പിന്തുണയുമായി ഡിവൈഎഫ്ഐ, ഐഎൻറ്റിയുസി, എഐവൈഎഫ് നേതാക്കളെത്തി. ഡിവൈഎഫ്ഐ നേതാക്കൾ ഇടപെട്ടാണ് ജീവനക്കാരെ ഓഫീസിൽ പ്രവേശിപ്പിച്ചത്.
