കേരളത്തിലേക്ക് വിനോദ സഞ്ചാരികളുമായെത്തുന്ന ഡ്രൈവര്മാര്ക്ക് അടിസ്ഥാന സൗകര്യങ്ങള് ഉറപ്പാക്കുമെന്ന് ടൂറിസം വകുപ്പ് മന്ത്രി പിഎ മുഹമ്മദ് റിയാസ്.
വിനോദ സഞ്ചാര വകുപ്പ് മന്ത്രിയായി ചുമതലയേറ്റ ഉടനെ തന്നെ കേരളത്തിലെ ടൂറിസ്റ്റ് ടാക്സി തൊഴിലാളികളുടെ പ്രശ്നം ഗൗരവത്തോടെ പരിഗണിക്കുകയും ഉന്നതതല യോഗം ചേര്ന്ന് പ്രശ്നങ്ങള് പരിഹരിക്കാന് ആവശ്യമായ തീരുമാനങ്ങള് കൈക്കൊള്ളുകയും ചെയ്തിരുന്നു. എന്നാല് ചില ഇടങ്ങളില് പ്രശ്നങ്ങള് പരിഹരിക്കപ്പെടാതെ പോകുന്ന സ്ഥിതിയുണ്ട്.
വിനോദ സഞ്ചാരികളുമായി എത്തുന്ന ഡ്രൈവര്മാര്ക്ക് വിശ്രമിക്കാനും പ്രാഥമിക ആവശ്യങ്ങള് നിറവേറ്റാനും ഉള്ള സൗകര്യങ്ങള് ഹോട്ടലുകളില് ഉണ്ടാകണം എന്നതാണ് ടൂറിസം വകുപ്പിന്റെ നിലപാട്.
ഡ്രൈവര്മാര്ക്ക് അടിസ്ഥാന സൗകര്യം ഒരുക്കണമെന്ന നിര്ദ്ദേശം കൂടുതല് കാര്യക്ഷമമായി നടപ്പിലാക്കുന്നതിനെ സംബന്ധിച്ച് ചര്ച്ച ചെയ്യാന് ഉന്നതതല യോഗം വിളിച്ചു ചേര്ക്കുന്നതിന് തീരുമാനിച്ചിട്ടുണ്ടെന്നും അദേഹം അറിയിച്ചു.