40 കി.മീ മൈലേജുമായി മാരുതി; ഹൈബ്രിഡ് വാഹന വിപണിയിൽ വിപ്ലവം സൃഷ്ടിക്കാൻ മാരുതി സുസുക്കി

ഇന്ത്യയിലെ ഏറ്റവും വലിയ ഓട്ടോമൊബൈൽ നിർമ്മാതാക്കളായ മാരുതി സുസുക്കി, വരാനിരിക്കുന്ന ഫ്രോങ്ക്സ് ഹൈബ്രിഡ് മോഡലിലൂടെ ഹൈബ്രിഡ് വാഹന വിപണിയിൽ വിപ്ലവം സൃഷ്ടിക്കാൻ ഒരുങ്ങുകയാണ്. മാരുതി ഫ്രോങ്ക്സ് ഹൈബ്രിഡിനൊപ്പം കമ്പനി നിരവധി പുതിയ ഹൈബ്രിഡ് കാറുകൾ രാജ്യത്ത് അവതരിപ്പിക്കും.

മാരുതി സുസുക്കിയും ടോയോട്ടയുമാണ് ഹൈബ്രിഡ് മോഡലുകളുടെ ഡിമാൻഡ് ഉയരാൻ കാരണമായത്. ഇവികൾ, CNG, ബയോ ഫ്യൂവലുകൾ, ഹൈബ്രിഡുകൾ എന്നിവ ഉൾപ്പെടുന്ന ഒരു മൾട്ടി ഫ്യുവൽ തന്ത്രം ഉപയോഗിച്ച് പുതിയൊരു നീക്കത്തിന് ഒരുങ്ങുകയാണ് മാരുതി സുസുക്കി. ടൊയോട്ടയുടെ പ്രശസ്തമായ ഹൈബ്രിഡ് പവർട്രെയിൻ ഉപയോഗിക്കുന്ന ഗ്രാൻഡ് വിറ്റാര ഹൈബ്രിഡിന് മികച്ച പ്രതികരണങ്ങൾ ലഭിക്കുന്നതിനാൽ മാരുതി സുസുക്കി ഹൈബ്രിഡുകളിൽ വലിയ ഇൻവെസ്റ്റ്മെന്റ് നടത്തുകയാണ് എന്നാണ് റിപോർട്ടുകൾ.

2023ൽ പുറത്തിറക്കിയ ഇന്നോവ ഹൈക്രോസ് ബേസ്ഡ് എംപിവിയും 2025ൽ വരുന്ന ഗ്രാൻഡ് വിറ്റാരയുടെ മൂന്ന് വരി പതിപ്പും മാരുതി സുസുക്കിയുടെ ഹൈബ്രിഡ് മോഡൽ സെഗ്മെന്റ് കൂടുതൽ വിപുലീകരിക്കും. അണിയറയിൽ ഒരുങ്ങുന്ന ഫ്രോങ്ക്സ്, ബലേനോ, സ്വിഫ്റ്റ്, ഒരു ചെറിയ എംപിവി എന്നിവയുടെ ഹൈബ്രിഡ് വേരിയന്റുകൾ ഉപയോഗിച്ച് മാസ് സെഗ്‌മെൻ്റുകളിലെ മോഡലുകൾക്കൊപ്പം ഹൈബ്രിഡ് വോളിയം ഗണ്യമായി വർധിപ്പിക്കാൻ മാരുതി സുസുക്കിക്ക് പദ്ധതികളുണ്ട്.

ടൊയോട്ടയുടെ സീരീസ് പാരലൽ ഹൈബ്രിഡ് സിസ്റ്റം കമ്പനി ഉപയോഗിക്കില്ല. പകരം ഒരു ഇൻ ഹൗസ്, അഫോർഡബിൾ സീരീസ് ഹൈബ്രിഡ് പവർട്രെയിൻ വികസിപ്പിക്കുകയാണ്. HEV എന്ന കോഡ് നെയിമിൽ വരുന്ന മാരുതി സുസുക്കിയുടെ പുതിയ സീരീസ് ഹൈബ്രിഡ് പവർട്രെയിൻ ഒരു സീരീസ്-പാരലൽ, പാരലൽ-ഓൺലി ഹൈബ്രിഡിനേക്കാൾ വളരെ വില കുറഞ്ഞതാണ്.

ഇക്കാരണത്താലാണ് ഒരു IC എഞ്ചിൻ, ഇലക്ട്രിക് മോട്ടോർ, ബാറ്ററി എന്നിവ അടങ്ങുന്ന പവർട്രെയിനിൻ്റെ ഉയർന്ന വിലയെ പ്രതിരോധിക്കാൻ കാർ നിർമ്മാതാക്കൾ ഈ വഴി തെരഞ്ഞെടുത്തത്. കൂടാതെ, ഹൈബ്രിഡുകൾക്ക് നികുതി ആനുകൂല്യങ്ങളൊന്നും നൽകാൻ സർക്കാർ ഇതുവരെ സമ്മതിക്കാത്തതും ഇവികൾക്കുള്ള വെറും 5.0 ശതമാനം ടാക്സുമായി താരതമ്യപ്പെടുത്തുമ്പോൾ ഹൈബ്രിഡുകളുടെ 43 ശതമാനം GST യുമാണ് പ്രധാന കോസ്റ്റ് ബാരിയർ/ തടസ്സം.

അതിനാൽ ചെലവ് കുറയ്ക്കുന്നതിന് വേണ്ടി മാരുതി സുസുക്കി ഒരു സീരീസ് ഹൈബ്രിഡ് ഉപയോഗിച്ച് ഒരു പരിഹാരം കണ്ടെത്തിയിരിക്കുകയാണ്. ഉപഭോക്താക്കളുടെ പോക്കറ്റ് കാലിയാക്കാതെ പെർഫൊമെൻസിനൊപ്പം മികച്ച മൈലേജ് കൈവരിക്കാൻ സഹായിക്കുന്ന ഒരു വഴിയാണിത്.

മാരുതി സുസുക്കിയുടെ പുതിയ ശ്രേണിയിലുള്ള HEV-അധിഷ്‌ഠിത റേഞ്ചിന്റെ പവർ സ്രോതസ്സ് പുതിയ Z12E, ത്രീ സിലിണ്ടർ എഞ്ചിൻ ആയിരിക്കും. കോംപാക്ട് Z12E 1.5-2 kWh ബാറ്ററി പാക്ക് ചാർജ് ചെയ്യുന്നതിനോ ഫ്രണ്ട് വീലുകളെ ചലിപ്പിക്കുന്ന കാര്യക്ഷമമായ ഇലക്ട്രിക് മോട്ടോർ ഓടിക്കുന്നതിനോ ഒരു ജനറേറ്ററായി ഇത് പ്രവർത്തിക്കും. മാരുതി സുസുക്കിയുടെ HEV സീരീസ് ഹൈബ്രിഡ് പവർട്രെയിൻ ഫ്രോങ്ക്സ് ഫെയ്‌സ്‌ലിഫ്റ്റിലും അടുത്ത തലമുറ ബലേനോയിലും 2026ൽ അരങ്ങേറും.

ഈ വർഷത്തിൻ്റെ ആദ്യ പകുതിയിൽ ലോഞ്ച് ചെയ്യാനൊരുങ്ങുന്ന നെക്സ്റ്റ് ജെൻ സ്വിഫ്റ്റ് 2027 -ഓടെ ഒരു ഹൈബ്രിഡ് ഓപ്ഷനുമായി വരുമെന്നാണ് പ്രതീക്ഷിക്കുന്നത്. അതുവരെ ജനപ്രിയമായ ഈ ഹാച്ച്ബാക്ക് പെട്രോൾ ഓപ്ഷനിൽ മാത്രമാവും വിൽപ്പനയ്ക്ക് എത്തുക. 2029ൽ മാത്രമാവും ഹൈബ്രിഡ് പവറിൽ വരുന്ന സ്‌പാസിയ അധിഷ്‌ഠിത കോംപാക്റ്റ് എംപിവി കമ്പനി വിപണിയിൽ എത്തിക്കുക. HEV സിസ്റ്റത്തിൻ്റെ നിരയിലുള്ള മറ്റ് മോഡലുകളിൽ പുതിയ തലമുറ ബ്രെസയും ഉൾപെടുന്നുണ്ട്.

Latest Stories

IPL 2024: തകർപ്പൻ വിജയത്തിന് പിന്നാലെ തനിനിറം കാട്ടി കോഹ്‌ലി, വീഡിയോ വൈറൽ

'ആരോപണം അടിസ്ഥാന രഹിതം, മെഡിക്കൽ കോളേജിൽ ചികിത്സാപ്പിഴവുണ്ടായിട്ടില്ല'; കമ്പി മാറിയിട്ടെന്ന പരാതിയിൽ അസ്ഥിരോഗവിഭാഗം മേധാവി

ഭാര്യയുടെ ജനനേന്ദ്രിയം തുളച്ച് പൂട്ടിട്ട യുവാവ് അറസ്റ്റില്‍; അതിക്രമം അന്യ പുരുഷന്മാരുമായി ബന്ധമുണ്ടെന്ന സംശയത്തില്‍

IPL 2024: ഈ സ്വഭാവം കൊണ്ടാണ് ഇവര്‍ എങ്ങും എത്താതെ പോകുന്നത്; ബെംഗളൂരുവില്‍ ധോണിയോട് അനാദരവ്; ആര്‍സിബി കളിക്കാര്‍ക്കെതിരെ മുന്‍ താരങ്ങള്‍

കുഞ്ഞിന് അനക്കമില്ലെന്ന് അറിയിച്ചപ്പോള്‍ ഉറങ്ങുന്നതാകുമെന്ന് ഡോക്ടർ, ഗർഭസ്ഥശിശു മരിച്ചു; സർക്കാർ ആശുപത്രിക്കെതിരെ പരാതി

സെക്രട്ടേറിയറ്റ് ഉപരോധ സമരം ഫലം കണ്ടിരുന്നു; സോളാര്‍ സമര വിവാദത്തില്‍ പ്രതികരിച്ച് എംവി ഗോവിന്ദന്‍

ടൂറിസ്റ്റുകളെ ഓഫ് റോഡ് യാത്ര കൊണ്ടുപോവുന്ന ജീപ്പ് ഡ്രൈവർ; മാസ് മാത്രമല്ല ഈ ടർബോ ജോസ്; മിഥുൻ മാനുവൽ തോമസ് പറയുന്നു

ബോചെ ടി ലോട്ടറിയല്ല; അമിതവില ഈടാക്കുന്നില്ല; ബംബര്‍ ലോട്ടറി നടത്താന്‍ ഉദ്ദേശിക്കുന്നില്ല; സര്‍ക്കാര്‍ വാദം പൊള്ളയെന്ന് ബോബി ചെമ്മണൂര്‍

IPL 2024: ഈ മൂന്ന് താരങ്ങളെ നിലനിർത്താൻ ഒരുങ്ങി ചെന്നൈ സൂപ്പർ കിങ്‌സ്, സൂപ്പർതാരങ്ങൾ ടീമിന് പുറത്തേക്ക്

പിഎയുടെ അറസ്റ്റ്: ബിജെപി ആസ്ഥാനത്തേക്ക് എഎപി നടത്തിയ മാർച്ച് തടഞ്ഞ് പൊലീസ്, മോദിയെയും ബിജെപിയെയും വെല്ലുവിളിച്ച് കെജ്‌രിവാൾ, ഡല്‍ഹിയില്‍ നിരോധനാജ്ഞ