നവാഗത സംവിധായകന് വിജിത്ത് നമ്പ്യാര് ഒരുക്കുന്ന മ്യൂസിക്കല് റൊമാന്റിക് കോമഡി ചിത്രമാണ് “മുന്തിരി മൊഞ്ചന് ഒരു തവള പറഞ്ഞ കഥ”. വിവേക്, ഗോപിക, മഹേഷ്, ഇമ രാജീവ് എന്നീ നാല് കഥാപാത്രങ്ങളെയും ചുറ്റിത്തിരിഞ്ഞാണ് ചിത്രത്തിന്റെ കഥ എന്നാണ് നടന് വിഷ്ണു നമ്പ്യാര് വ്യക്തമാക്കുന്നത്.
“”സിനിമയുടെ കഥ പറയുന്നത് ചിത്രത്തിന്റെ കഥ എഴുതിയ മെഹറിക്കയാണ്. സിനിമയുടെ പേര് മുന്തിരി മൊഞ്ചന് ഒരു തവള പറഞ്ഞ കഥ എന്നാണെന്ന് പറഞ്ഞു, തവള പറഞ്ഞ കഥ എന്ന് കേട്ടപ്പോഴാണ് ദൈവമേ എന്തായിത് എന്ന് തോന്നിയത്. ആദ്യം കഥ കേട്ടിരുന്നില്ല. പിന്നീട് കഥ കേട്ടപ്പോള് മനസിലായി എന്തുകൊണ്ടും യോജിച്ച പേര് തന്നെയാണെന്ന്. വടക്കന് മലബാറില് കാണാന് കൊള്ളാവുന്ന ഫ്രീക്കന് ചെക്കന്മാരെ പറയുന്ന പേരാണ് മുന്തിരി മൊഞ്ചന്”” എന്ന് വിഷ്ണു പറഞ്ഞു.
മഹേഷ് എന്ന കഥാപാത്രമായാണ് വിഷ്ണു ചിത്രത്തിലെത്തുന്നത്. തന്റെ യഥാര്ഥ ജീവിതവുമായി ഒരു ബന്ധവുമില്ലാത്ത കഥാപാത്രമാണ് മഹേഷ് എന്ന് വിഷ്ണു വ്യക്തമാക്കുന്നത്. “”മഹേഷ് ആളൊരു പാവമാണ്. വളരെ സ്നേഹസമ്പന്നനാണ്. മഹേഷിന് ഒരു പ്രണയമുണ്ട്, ദീപിക. കൈരവി താക്കര് എന്ന ബോളിവുഡ് നടിയാണ് ദീപികയായി എത്തുന്നത്””എന്നവിഷ്ണു വ്യക്തമാക്കി.