യുവതാരങ്ങളായ മനേഷ് കൃഷ്ണന്, ഗോപിക അനില് എന്നിവരെ കേന്ദ്രകഥാപാത്രങ്ങളാക്കി നവാഗത സംവിധായകന് വിജിത്ത് നമ്പ്യാര് ഒരുക്കുന്ന ചിത്രമാണ് “മുന്തിരി മൊഞ്ചന്”. ഒരു ഫീല്ഗുഡ് റൊമാന്റിക് മൂവിയാണ് മുന്തിരി മൊഞ്ചന് എന്നാണ് നായിക ഗോപിക അനില് വ്യക്തമാക്കുന്നത്.
ഓണ്ലൈന് ലൈബ്രറി സ്റ്റാര്ട്ടപ്പ് നടത്തുന്ന ഇമ രാജീവ് എന്ന കഥാപാത്രമായാണ് ഗോപിക ചിത്രത്തിലെത്തുന്നത്. ബോള്ഡ് ആയി ജീവിക്കുന്ന ഒരു പെണ്കുട്ടിയാണ് ഇമ രാജീവ് എന്നാണ് കഥാപാത്രത്തിനെ കുറിച്ച് ഗോപികക്ക് പറയാനുള്ളത്. മുന്തിരി മൊഞ്ചന് എന്ന പേര് കേട്ട് ആദ്യം തനിക്കും സംശയം തോന്നിയിരുന്നെന്നും, സംവിധായകനാണ് തനിക്ക് മനസിലാക്കി തന്നതെന്നും ഗോപിക പറയുന്നു.
“”ഞാനും ഇതുവരെ കേള്ക്കാത്ത പേരാണ് മുന്തിരി മൊഞ്ചന്. എന്താന്ന് അറിയാനുള്ള ആകാംഷ ഉണ്ടായി സംവിധായകനോട് ചോദിച്ചു. ഫ്രീക്ക് എന്ന വാക്കിന് മലബാര് ഏരിയയില് പറയുന്ന വാക്കാണ് മുന്തിരി മൊഞ്ചന്. സിനിമ വിവരിക്കുന്നത് സലീമേട്ടന് ചെയ്യുന്ന തവള എന്ന കഥാപാത്രമാണ് അങ്ങനെയാണ് “മുന്തിരി മൊഞ്ചന്, ഒരു തവള പറഞ്ഞ കഥ” എന്ന പേര് വന്നത്”” എന്നാണ് ഗോപിക പറയുന്നത്. ഡിസംബര് 6ന് ചിത്രം തിയേറ്ററുകളിലെത്തും.