ഭാര്യ കേസി ബെന്നറ്റ് ഇരട്ടക്കുഞ്ഞുങ്ങള്ക്ക് ജന്മം സന്തോഷവാര്ത്ത ഇന്സ്റ്റാഗ്രാമിലൂടെ ആരാധകരെ അറിയിച്ച് ഉസൈന് ബോള്ട്ട്. ആദ്യമായാണ് തന്റെ മക്കളുടെ ഫോട്ടോ ബോള്ട്ട് സോഷ്യല് മീഡിയയില് പങ്കുവെയ്ക്കുന്നത്. ഫാദേഴ്സ് ഡേ ദിനത്തിലാണ് ബോള്ട്ട് കുടുംബചിത്രം ആരാധകരുമായി പങ്കുവെച്ചത്.
ചിത്രത്തിനേക്കാള് കുട്ടികളുടെ പേരിലെ കൗതുകമാണ് ആരാധകരെ ശ്രദ്ധ നേടിയിരിക്കുന്നത്. തണ്ടര് ബോള്ട്ട് എന്നും സെയിന്റ് ലിയോ ബോള്ട്ടെന്നുമാണ് പേരിട്ടിരിക്കുന്നത്. മൂത്തമകളുടെ പേര് ഒളിമ്പ്യ ലൈറ്റ്നിംഗ് ബോള്ട്ട് എന്നാണ്. ഇതോടെ ലൈറ്റ്നിംഗും തണ്ടറുമായി വീട്ടില് എപ്പോഴും കൊടുങ്കാറ്റായിരിക്കുമല്ലോ എന്നാണ് ആരാധകര് ചോദിക്കുന്നത്.
2020 മെയിലാണ് ഒളിമ്പ്യ ജനിച്ചത്. മകള് പിറന്ന് രണ്ട് മാസത്തിന് ശേഷമായിരുന്നു അന്ന് താരം പേര് പുറത്തുവിട്ടത്. തണ്ടറിന്റെയും ലിയോയുടെയും ജനന തിയതി എന്നാണെന്ന് പുറത്തുവിട്ടിട്ടില്ല.
ലോകത്തില് ഏറ്റവും അധികം ആരാധകരുള്ള അത്ലറ്റുകളില് ഒരാളാണ് ഉസൈന് ബോള്ട്ട്. ഹ്രസ്വദൂര ഓട്ടമത്സരങ്ങളിലെ സൂപ്പര് താരയിരുന്ന ബോള്ട്ട് ട്രാക്കില് നിന്ന് വിടവാങ്ങിയ ശേഷം ഇപ്പോള് കുടുംബത്തോടൊപ്പമാണ്.