അടുത്ത വർഷത്തെ ട്രാൻസ്ഫർ വിപണി ആരംഭിക്കുമ്പോൾ അതായത് ജനുവരിയിൽ ഔറേലിയൻ ചൗമേനി, ഫെർലാൻഡ് മെൻഡിയും ഡേവിഡ് അലബയും തുടങ്ങിയ താരങ്ങളെ ഒഴിവാക്കാൻ തീരുമാനിച്ച് റയൽ മാഡ്രിഡ്. ടീമിന് വളരെ മോശം സീസൺ ആയ സാഹചര്യത്തിൽ മാറ്റങ്ങൾ നിലവിലെ സാഹചര്യത്തിൽ അത്യാവശ്യമാണ്. ബാഴ്സലോണയ്ക്കും എസി മിലാനുമെതിരായ രണ്ട് മത്സരങ്ങളിൽ രണ്ട് തോൽവികളുടെ വലിയ വിമർശനമാണ് ടീം നേരിടുന്നത്.
നിലവിലെ ചാമ്പ്യന്മാർ 11 മത്സരങ്ങൾക്ക് ശേഷം ലാലിഗ പട്ടികയിൽ രണ്ടാം സ്ഥാനത്താണ്, ഒരു ഗെയിം കൂടുതൽ കളിച്ച ബാഴ്സയെക്കാൾ ഒമ്പത് പോയിൻ്റ് പിന്നിലാണ്. ഈ സീസണിൽ മികവ് കാണിക്കാൻ ടീം ശരിക്കും പരാജയപെട്ടു.
റിപ്പോർട്ട് അനുസരിച്ച്, ടീം കൂടുതൽ ശക്തമാക്കാൻ ചില അനിവാര്യമായ ഒഴിവാക്കലുകൾ നടത്താൻ ടീം ആഗ്രഹിക്കുന്നു. മികച്ച പ്രകടനം നടത്താൻ ബുദ്ധിമുട്ടുന്ന താരങ്ങളെ ഒഴിവാക്കാൻ റയൽ തീരുമാനിച്ചു. ഈ സീസണിൽ സ്ഥിരമായി സ്റ്റാർട്ടിങ് ഇലവനിൽ അവസരം കിട്ടിയിട്ടും ഔറേലിയൻ ചൗമേനി നിരാശപ്പെടുത്തി. ഫ്രഞ്ചുകാരൻ ഈ സീസണിൽ 15 തവണ മത്സരങ്ങളിൽ കളിച്ചെങ്കിലും അദ്ദേഹത്തിൻ്റെ പ്രകടനങ്ങൾ മികച്ചതായിരുന്നില്ല. പ്രീമിയർ ലീഗിൽ നിന്നുള്ള താൽപ്പര്യങ്ങൾക്കിടയിൽ അനുയോജ്യമായ ഓഫർ ലഭിച്ചാൽ റയൽ മാഡ്രിഡ് താരത്തെ വിട്ടയക്കാൻ തയ്യാറാണ്.
അതേസമയം, സാൻ്റിയാഗോ ബെർണബ്യൂവിലെ ഫെർലാൻഡ് മെൻഡിയുടെ ദിനങ്ങളും എണ്ണപ്പെട്ടേക്കാം. ഫ്രഞ്ച് ഡിഫൻഡർ ബാക്ക്ലൈനിലെ ദുർബലമായ കണ്ണികളിൽ ഒരാളാണ്. ബയേൺ മ്യൂണിക്കിൻ്റെ അൽഫോൺസോ ഡേവിസിനെ തൻ്റെ പകരക്കാരനായി ഇതിനകം തിരിച്ചറിഞ്ഞിട്ടുണ്ട്. അതിനാൽ മെൻഡിയും റയൽ വിടും.
ഡേവിഡ് അലബയുടെ നിരന്തരമായ പരിക്കുകളാണ് താരത്തെ ഒഴിവാക്കാൻ കാരണം. എന്തായാലും റയലിന് ഉടനടി മാറ്റങ്ങൾ അനിവാര്യമാണ് എന്ന് ഉറപ്പാണ്.