ഈ സീസണിൽ നെയ്മർ ഇനിയും കളിക്കില്ല എന്ന കാര്യം ഉറപ്പായതിനാൽ സീസണിൽ വരാനിരിക്കുന്ന മത്സരങ്ങളിൽ പിഎസ്ജി ആക്രമണത്തിൽ ലയണൽ മെസ്സിയെയും കൈലിയൻ എംബാപ്പെയെയും ആയിരിക്കും പ്രധാന പങ്ക് വഹിക്കുക എന്ന കാര്യം ഉറപ്പാണ്.
ഇപ്പോൾ ഇതാ ഫുട്ബോൾ പണ്ഡിതനായ ആഷ്‌ലി വെസ്റ്റ്‌വുഡ്, ബ്രസീലിയൻ താരത്തിന്റെ പരിക്ക് ക്ലബ്ബിന് ഒരു അനുഗ്രഹമാണെന്ന് അവകാശവാദം ഉന്നയിച്ചു. ഫെബ്രുവരിയിൽ നടന്ന ലീഗ് വണ്ണിൽ ലില്ലിക്കെതിരെ പിഎസ്ജി 4-3ന് വിജയിച്ച മത്സരത്തിനിടെയാണ് നെയ്മറിന് കണങ്കാലിന് പരിക്കേറ്റത്. ബയേൺ മ്യൂണിക്കുമായുള്ള ചാമ്പ്യൻസ് ലീഗ് റൗണ്ട്-16 പോരാട്ടത്തിന്റെ രണ്ടാം പാദത്തിൽ നിന്ന് നെയ്മർ ആദ്യമേ തന്നെ പുറത്തായിരുന്നു.. ദോഹയിൽ കണങ്കാലിന് ശസ്ത്രക്രിയയ്ക്ക് വിധേയനാകാൻ പോകുന്നതിനാൽ ഈ സീസണിന്റെ ബാക്കി ഭാഗങ്ങൾ അദ്ദേഹത്തിന് നഷ്ടമാകുമെന്ന് പി.എസ്.ജി സ്ഥിതീകരിച്ചിട്ടുണ്ട്.
നെയ്മറിന് കഴിവും നല്ല സ്കില്ലുമൊക്കെ ഉണ്ടെങ്കിലും നെയ്മറില്ലാത്ത പി.എസ്.ജി തന്നെയാണ് കൂടുതൽ സന്തുലിതം എന്ന വാദമാണ് വെസ്റ്റ്‌വുഡ് പറയുന്നത്, അദ്ദേഹത്തിന്റെ വാദം ഇങ്ങനെ.
“നെയ്മർ ഇല്ലാതെ പിഎസ്ജി മികച്ചതാണ്,” മുൻ പ്രീമിയർ ലീഗ് താരം ഹിന്ദുസ്ഥാൻ ടൈംസിനോട് പറഞ്ഞു. അവൻ വളരെ മിടുക്കനാണെന്ന് നിങ്ങൾക്കറിയാം, ഡ്രിബ്ലിംഗ് ടെക്നിക്കിൽ അവൻ മറ്റാരേക്കാളും മികച്ചവനാണ്, അതുപോലെ അവനെ തടയാൻ വേണ്ടി മാത്രം താരങ്ങൾ വരുമ്പോൾ അത് പി.എസ്.ജിയുടെ മറ്റ് താരങ്ങൾക് ഗുണത്തെ ചെയ്യും. എന്നാൽ അവൻ ഇല്ലാത്ത പി.എസ്.ജിയാണ് കൂടുതൽ അപകടകാരി.”