ലോകകപ്പിലെ ആദ്യ മത്സരത്തില് സൗദി അറേബ്യയോടേറ്റ അപ്രതീക്ഷിത തോല്വിയോട് പ്രതികരിച്ച് അര്ജന്റീന ഇതിഹാസം ലയണല് മെസി. വലിയ പ്രഹരമാണ് ഏറ്റതെങ്കിലും ഈ തോല്വിയില് നിന്ന് ടീം അതിശക്തമായി തന്നെ തിരിച്ചു വരുമെന്ന് മെസി വ്യക്തമാക്കി.
സൗദി അറേബ്യ മികച്ച കളിക്കാരുള്ള ടീമാണെന്ന് ഞങ്ങള്ക്കറിയാമായിരുന്നു. അവര്ക്ക് പന്തില് നല്ല നിയന്ത്രണവുമുണ്ടായിരുന്നു. ഹൈ ലൈന് പന്തുകളും അവര് കളിച്ചു. മികച്ച രീതിയില് തന്നെ അവരെ നേരിടാന് സാധിച്ചുവെന്നാണ് വിശ്വസിക്കുന്നത്. പക്ഷേ അല്പ്പം ആവേശം കൂടിപ്പോവുകയും ചെയ്തു. എങ്കിലും തോല്വിക്ക് ഒഴിവുകഴിവുകള് പറയുന്നില്ല.
ഞങ്ങള് കരുത്തുറ്റ സംഘം തന്നെയാണ്. പക്ഷേ, ഞങ്ങള്ക്ക് ഇത്തരമൊരു അവസ്ഥയെ നേരിടേണ്ടി വന്നിട്ടില്ല. ഈ ടീമിന്റെ കരുത്ത് എന്താണെന്ന് ഇനി ഞങ്ങള് കാണിക്കുമെന്ന് ഉറപ്പ് തരുന്നു. വരാനിരിക്കുന്ന കാര്യങ്ങളെക്കുറിച്ചാണ് ഇനി ചിന്തിക്കാനുള്ളത്.
അടുത്ത മത്സരത്തില് കൂടുതല് ഐക്യത്തോടെ കളിക്കാന് ശ്രമിക്കും. ആത്മവിശ്വാസം വിടാതെ ഇരിക്കേണ്ടത് അനിവാര്യമാണ്. വിട്ടു കൊടുക്കാന് ഉദ്ദേശിക്കുന്നില്ല. മെക്സിക്കോയെ കീഴടക്കി തിരിച്ചു വരും- മെസി പറഞ്ഞു.