തിങ്കളാഴ്ച ലിസ്ബണിലേക്കുള്ള വിമാനത്തിനിടെ കുഴഞ്ഞുവീണ ഒരാളെ സഹായിക്കാൻ എത്തിയതിന് പിന്നാലെ സഹയാത്രികരുടെ പ്രശംസ ഏറ്റുവാങ്ങുകയാണ് മാഞ്ചസ്റ്റർ യുണൈറ്റഡ് ക്യാപ്റ്റൻ ബ്രൂണോ ഫെർണാണ്ടസ്. ഞായറാഴ്ച ലെസ്റ്റർ സിറ്റിക്കെതിരെ യുണൈറ്റഡിൻ്റെ 3-0 പ്രീമിയർ ലീഗ് വിജയത്തിൽ ഒരു ഗോൾ നേടുകയും രണ്ട് ഗോളുകൾ സൃഷ്ടിക്കുകയും ചെയ്ത ഫെർണാണ്ടസ്, പോളണ്ടിനും ക്രൊയേഷ്യക്കുമെതിരായ നേഷൻസ് ലീഗ് മത്സരങ്ങൾക്കുള്ള ടീമിൽ ചേരാൻ പോർച്ചുഗലിലേക്ക് പോകുകയായിരുന്നു.
ഫെർണാണ്ടസ് വിമാനത്തിൻ്റെ പിൻഭാഗത്തുള്ള ടോയ്ലറ്റിൽ പോയതിന് ശേഷം സഹായത്തിനായുള്ള നിലവിളി കേട്ടതായി വിമാനത്തിലെ യാത്രക്കാരിയായ സൂസന്ന ലോസൺ യുകെ ഔട്ട്ലെറ്റ് ബിസിനസ് ക്ലൗഡിനോട് പറഞ്ഞു. “ബ്രൂണോ ബോധരഹിതനായ ഒരാളെ പിടിച്ചിരുന്നു. അദ്ദേഹത്തിന് ബോധം നഷ്ടപ്പെട്ടോ ഇല്ലയോ എന്ന് എനിക്കറിയില്ല.” ലോസൺ പറഞ്ഞു.
“പിന്നിൽ ഒരു സ്പെയർ സീറ്റ് ഉണ്ടായിരുന്നു, ബ്രൂണോ അദ്ദേഹത്തെ ഇരിക്കാൻ സഹായിച്ചു. അവൻ അവരോടൊപ്പം പുറകിൽ നിന്ന്, അയാൾക്ക് സുഖമുണ്ടെന്ന് ഉറപ്പുവരുത്തി.” അടുത്ത തിങ്കളാഴ്ച ക്രൊയേഷ്യയെ നേരിടുന്നതിന് മുന്നേ വെള്ളിയാഴ്ച പോർച്ചുഗൽ ആതിഥേയരായ മത്സരത്തിൽ പോളണ്ടിനെ നേരിടും.