കേരള ബ്ലാസ്റ്റേഴ്സ് ക്യാപ്റ്റന് സന്ദേശ് ജിങ്കനെ സ്വന്തമാക്കാന് ഇംഗ്ലീഷ് ക്ലബ്ബ് ബ്ലാക്ക്ബേണ് റോവേഴ്സ് ഒരുങ്ങുന്നുവെന്ന വാര്ത്തകള്ക്ക് ഗംഭീര മറുപടിയുമായി ബ്ലാസ്റ്റേഴ്സ് ആരാധകര്. ജിങ്കനെ ഈ ആഴ്ചതന്നെ മൂന്ന് ലക്ഷം യൂറോയ്ക്ക് സ്വന്തമാക്കുമെന്ന ഒരു മുന് ഏജന്റിന്റെ ട്വീറ്റ് ബ്ലോസ്റ്റേഴ്സ് ആരാധകരെ ആശങ്കയിലാക്കിയിരുന്നു.
കേരള ബ്ലാസ്റ്റേഴ്സിനായി പ്രതിരോധത്തില് ജിങ്കന് കാഴ്ച്ചവെക്കുന്ന മികച്ച പ്രകടനമാണ് ഇംഗ്ലീഷ് ക്ലബ് ജിങ്കനെ സ്വന്തമാക്കാന് പ്രേരിപ്പിക്കുന്നത്. ആദ്യ സീസണില് ബ്ലാസ്റ്റേഴ്സ് നിരയിലെ മികച്ച പ്രകടനം ജിങ്കനെ എമേജിംഗ് പ്ലെയറായി തെരഞ്ഞെടുക്കുന്നതിലേക്ക് എത്തിച്ചിരുന്നു. ബ്ലാസ്റ്റേഴ്സിനായി ഇതിനോടകം 50 മത്സരങ്ങള് കളിച്ച താരം ഐഎസ്എല്ലില് ഏറ്റവും അധികം ജെഴ്സി അണിഞ്ഞ ഇന്ത്യന് താരമെന്ന നേട്ടവും സ്വന്തമാക്കിയിരുന്നു.
നേരത്തെ ബ്ലാസ്റ്റേഴ്സ് താരമായിരുന്നു ഐറിഷ് താരം ആരോണ് ഹ്യൂസ് സന്ദേഷ് ജിങ്കന് യൂറോപ്പില് കളിക്കാന് യോഗ്യനാണെന്ന് അഭിപ്രയാപ്പെട്ടിരുന്നു. എന്നാല്, ട്വീറ്റിനെതിരേ വമ്പന് പ്രതികരണമാണ് സോഷ്യല് മീഡിയയില് നിന്നുയരുന്നത്. ബ്ലാസ്റ്റേഴ്സിന്റെ നെടും തൂണായ ജിങ്കന് എവിടെയും പോകുന്നില്ലെന്നാണ് ആരാധകര് സോഷ്യല് മീഡിയയില് പറയുന്നത്.
https://twitter.com/onemattjansen/status/952952488939966464