2011ല് ഇന്ത്യ മുംബൈയില് ലോകകപ്പ് ഉയര്ത്തിയ നിമിഷം ഒരിന്ത്യക്കാരനും മറക്കാനിടയില്ല. സച്ചിനെ കെട്ടിപ്പിടിച്ചുകൊണ്ട് യുവരാജ് സിങ് പൊട്ടിക്കരയുന്ന ചിത്രം ക്രിക്കറ്റിനെ സ്നേഹിക്കുന്നരുടെ ഹൃദയത്തിലേക്കാണ് തുളച്ച് കയറിയത്.
സച്ചിനു വേണ്ടിയാണ് ഞങ്ങള് ഈ ലോകകപ്പ് ഉയര്ത്തിയത് എന്ന യുവിയുടെ വാക്കുകള് ആരാധകര് അന്ന് നെഞ്ചോട് ചേര്ക്കുകയായിരുന്നു.
എന്തായാലും യുവിയുടെ പിറന്നാള് ദിനത്തില് സച്ചിന്റെ ട്വീറ്റ് ആരാധകര് ആഘോഷമാക്കുകയാണ്. “ഇവിടെ ചാമ്പ്യന്മാരുണ്ടാകാം..പോരാളികളും ഉണ്ടായിരിക്കാം.എനിയ്ക്ക് നീ ഇത് രണ്ടുമാണ് ” എന്നാണ് സച്ചിന് ട്വിറ്ററില് കുറിച്ചത്.
നേരത്തെ യുവരാജിന് ആശംസയറിയച്ചുകൊണ്ടുള്ള സേവാഗിന്റേയും രോഹിത് ശര്മയുടേയും ട്വീറ്റുകള് ഏറെ ചിരിപ്പിച്ചിരുന്നു.
കൂടാതെ യുവരാജിന് ആശംസയുമായി വി.വി.എസ്.ലക്ഷ്മണ്,ശിഖര് ധവാന്, മൊഹമ്മദ് ഷാമി,കൈഫ്, ആകാശ് ചോപ്ര,കൊല്ക്കത്ത മുഖ്യമന്ത്രി മമത ബാനര്ജി തുടങ്ങി നിരവധി പ്രമുഖരും ട്വിറ്ററില് എത്തിയിരുന്നു.