ഡിസംബര്‍ 12 ന് ബാര്‍ബഡോസില്‍ ആരംഭിക്കുന്ന ഇംഗ്ലണ്ടിനെതിരായ അഞ്ച് മത്സരങ്ങളുടെ പരമ്പരയിലെ പ്രാരംഭ മൂന്ന് ടി20 മത്സരങ്ങള്‍ക്കുള്ള 15 അംഗ സ്‌ക്വാഡിനെ വെസ്റ്റ് ഇന്‍ഡീസ് പ്രഖ്യാപിച്ചു. വെസ്റ്റ് ഇന്‍ഡീസിന്റെ ടി20 ടീമിലേക്ക് രണ്ട് വര്‍ഷത്തിന് ശേഷം ഓള്‍റൗണ്ടര്‍ ആന്ദ്രെ റസ്സല്‍ തിരിച്ചുവന്നുവെന്നാണ് പ്രധാന സവിശേഷത. റോവ്മാന്‍ പവല്‍ ടീമിന്റെ നായകന്‍
2021-ലെ ടി20 ലോകകപ്പിലാണ് ആന്‍ഡ്രെ റസ്സല്‍ അവസാനമായി വിന്‍ഡീസിന് വേണ്ടി കളിച്ചത്. സീം ബോളിംഗ് ഓള്‍റൗണ്ടര്‍ ആദ്യ മത്സരത്തിന് മുന്നോടിയായി ടീമില്‍ ചേരാന്‍ ഒരുങ്ങുകയാണ്. അടുത്ത വര്‍ഷം ഇന്‍ഡീസും യുഎസ്എയും ആതിഥേയത്വം വഹിക്കുന്ന ടി20 ലോകകപ്പില്‍ താരം ടീമിന്റെ നിര്‍ണായക ഭാഗമാകുമെന്ന് പ്രതീക്ഷിക്കുന്നു.
ഷെര്‍ഫെയ്ന്‍ റൂഥര്‍ഫോര്‍ഡ്, ജേസണ്‍ ഹോള്‍ഡര്‍, നിക്കോളാസ് പൂരന്‍ എന്നിവര്‍ ടീമിന്റെ ഭാഗമാണ്. ഷായി ഹോപ്പിനെ വൈസ് ക്യാപ്റ്റനായി നിയമിച്ചപ്പോള്‍ ജോണ്‍സണ്‍ ചാള്‍സ്, ഒബേദ് മക്കോയ്, ഒഡിയന്‍ സ്മിത്ത്, ഒഷെയ്ന്‍ തോമസ് എന്നിവരെ തിരഞ്ഞെടുത്തിട്ടില്ല.
വരാനിരിക്കുന്ന ടി20 പരമ്പരയ്ക്കുള്ള ടീമില്‍ 21 കാരനായ അണ്‍ക്യാപ്ഡ് താരം മാത്യു ഫോര്‍ഡിനെ വെസ്റ്റ് ഇന്‍ഡീസ് ഉള്‍പ്പെടുത്തിയിട്ടുണ്ട്. ഇംഗ്ലണ്ടിനെതിരായ അവസാന ഏകദിന മത്സരത്തില്‍ ഗംഭീരമായ അരങ്ങേറ്റം നടത്തിയ മാത്യു ഫോര്‍ഡ്, സമീപകാല ആഭ്യന്തര ടി20 മത്സരങ്ങളില്‍ മികച്ച പ്രകടനമാണ് നടത്തിയത്.
വെസ്റ്റ് ഇന്‍ഡീസ് – ഇംഗ്ലണ്ട് ടി20 ഐ പരമ്പരയുടെ ഷെഡ്യൂള്‍
ഒന്നാം T20I: ഡിസംബര്‍ 12, കെന്‍സിംഗ്ടണ്‍ ഓവല്‍, ബാര്‍ബഡോസ്
രണ്ടാം T20I: ഡിസംബര്‍ 14, നാഷണല്‍ സ്റ്റേഡിയം, ഗ്രെനഡ
മൂന്നാം T20I: ഡിസംബര്‍ 16, നാഷണല്‍ സ്റ്റേഡിയം, ഗ്രെനഡ
നാലാം T20I: ഡിസംബര്‍ 19, ബ്രയാന്‍ ലാറ അക്കാദമി, ട്രിനിഡാഡ്
അഞ്ചാം T20I: ഡിസംബര്‍ 21, ബ്രയാന്‍ ലാറ അക്കാദമി, ട്രിനിഡാഡ്
വെസ്റ്റ് ഇന്‍ഡീസ് ടീം: റോവ്മാന്‍ പവല്‍ (സി), ഷായ് ഹോപ്പ് (വിസി), റോസ്റ്റണ്‍ ചേസ്, മാത്യു ഫോര്‍ഡ്, ഷിമ്റോണ്‍ ഹെറ്റ്മെയര്‍, ജേസണ്‍ ഹോള്‍ഡര്‍, അകേല്‍ ഹൊസൈന്‍, അല്‍സാരി ജോസഫ്, ബ്രാന്‍ഡന്‍ കിംഗ്, കൈല്‍ മേയേഴ്സ്, ഗുഡകേഷ് മോട്ടി, നിക്കോളാസ് പൂരന്‍, ആന്ദ്രെ റസ്നീല്‍ റഥര്‍ഫോര്‍ഡ്, റൊമാരിയോ ഷെപ്പേര്‍ഡ്.