മുഹമ്മദ് അലി ഷിഹാബ്
ഇയാളുടെ മുഖം കണ്ടില്ലേ, ഇയാളുടെ ഉള്ളിലെ ആ നീറ്റല് മുഖത്ത് കാണാം. എന്നിട്ടും എന്തിനാണ് ആളുകള് ഇയാളെ ഇത്രയധികം വെറുക്കുന്നതെന്ന് മനസ്സിലാകുന്നില്ല. ഇയാള് ഏകദിനത്തിലും ടെസ്റ്റിലും ഇന്ത്യയുടെ നട്ടെല്ലാണെന്ന് തെളിയിച്ചു കഴിഞ്ഞതാണ്. അതു കൊണ്ട് ഇയാള്ക്ക് T20യിലും ചാന്സ് കൊടുക്കണം, ഇതു വരെ 66 മത്സരങ്ങളില് മാത്രമാണ് ഈ പാവത്തിന് T20യില് അവസരം ലഭിച്ചിട്ടുള്ളത്.
ഓര്ക്കണം സച്ചിന് ടെണ്ടുല്ക്കര് ഏകദിനത്തില് സെഞ്ചുറി നേടുന്നത് 79th മത്സരത്തിലെങ്ങാനുമാണ്. പിന്നീടയാള് 450+ മത്സരങ്ങള് എന്ന ബിഗ് നമ്പറിലെത്തിച്ചാണ് കരിയറവസാനിപ്പിക്കുന്നത്. ഏകദിന ചരിത്രത്തിലെ ആദ്യ ഡബിള് സെഞ്ചുറി സച്ചിന് നേടിയ പോലെ T20യിലെ ആദ്യത്തേത് പന്തിന്റെയാകുമെന്നാണ് എന്റെ മനസ്സ് പറയുന്നത്.
ഒരു ഇടം കൈയനായ, Y ഫാക്ടര് ഒളിച്ചിരിക്കുന്ന, സ്ക്വയര് ലെഗിലേക്ക് ഷോട്ടുകള് ഉതിര്ക്കാന് കഴിയുന്ന റിഷഭ് പന്ത് തുടരട്ടെ. ഒരു 50-65 മത്സരങ്ങള് കൂടി കിട്ടുമ്പോള് അയാള്ക്ക് ക്ലിക്കാകാന് കഴിയും എന്നാണ് പ്രതീക്ഷ.
അതുവരെ ഇയാളോടുള്ള വെറുപ്പവസാനിച്ച് ഇന്നത്തെ 220 പ്രഹരശേഷിയില് നേടിയത് പോലുള്ള ഇയാളുടെ ഫ്യൂചര് ഇന്നിങ്ങ്സുകള് ആസ്വദിക്കൂ..
കടപ്പാട്: സ്പോര്ട്സ് പാരഡിസോ ക്ലബ്ബ്