ഇന്ത്യൻ പ്രീമിയർ ലീഗ് (ഐപിഎൽ) ചരിത്രത്തിലെ ഏറ്റവും വിലപ്പെട്ട താരമാണ് ലഖ്നൗ സൂപ്പർ ജയന്റ്സ് (എൽഎസ്ജി) ക്യാപ്റ്റൻ ഋഷഭ് പന്ത്. എന്നാൽ സീസണിൽ ഇന്ത്യൻ പ്രീമിയർ ലീഗിൽ അതിദയനീയ ഫോമിലാണ് താരം കളിച്ചത്. സീസണിൽ കാര്യമായ ഒന്നും ചെയ്യാൻ താരത്തിന് ആയിട്ടില്ല. ചെന്നൈക്ക് എതിരായ മത്സരത്തിൽ നേടിയ അർദ്ധ സെഞ്ച്വറിത് മാത്രമാണ് ഓർത്തിരിക്കാനുള്ള നേട്ടം. റോയൽ ചലഞ്ചേഴ്സ് ബെംഗളൂരുവിനെ (ആർസിബി) മുമ്പ് പരിശീലിപ്പിച്ച മുൻ ഇന്ത്യൻ ഓൾറൗണ്ടർ സഞ്ജയ് ബംഗാർ പന്ത് ‘ആശയക്കുഴപ്പത്തിലാണെന്നും’ വൈറ്റ്-ബോൾ ഫോർമാറ്റുകൾ ഇതുവരെ മനസ്സിലാക്കിയിട്ടില്ലെന്നും അദ്ദേഹം കരുതുന്നു.
“വൈറ്റ്-ബോൾ കളിയെക്കുറിച്ച് അദ്ദേഹത്തിന് ഇതുവരെ പൂർണ്ണമായി മനസ്സിലായിട്ടില്ലെന്ന് നാം തിരിച്ചറിയണം. രണ്ട് ഫോർമാറ്റുകളും, 50 ഓവർ ക്രിക്കറ്റും, ടി20 ക്രിക്കറ്റും. ഒരു മികച്ച ടെസ്റ്റ് മാച്ച് ബാറ്റ്സ്മാൻ ആണ് അവൻ. പക്ഷെ വൈറ്റ് ബോൾ ക്രിക്കറ്റിൽ എന്താണ് ചെയ്യേണ്ടത് എന്ന് അവന് അറിയില്ല.”
പന്ത് പഴയ രീതിയിൽ കളിക്കാൻ തുടങ്ങണം എന്നും ശൈലി മാറ്റാൻ പാടില്ല എന്നും ബംഗാർ പറഞ്ഞു. പണ്ട് സ്റ്റെപ് ഔട്ട് ചെയ്ത് സിക്സും യദേഷ്ടം ഡ്രൈവുകളും മിഡ് വിക്കറ്റിന് മുകളിലൂടെ ഉള്ള സിക്സും അടിച്ചിരുന്ന താരത്തിന് ഇത് എന്താണ് സംഭവിച്ചത് എന്നാണ് സഞ്ജയ് ചോദിച്ചത്.
“ഇപ്പോൾ, ഋഷഭിന്റെ ശൈലി മാറി. അവൻ പണ്ട് കളിച്ചിരുന്ന ശൈലിയിൽ നിന്ന് മാറി അവൻ വേറെ രീതിയിൽ കളിക്കാൻ തുടങ്ങി. അനാവശ്യ ഷോട്ടും റിസ്ക്കും ഒകെ എടുത്ത് അവൻ തന്നെ തന്നെ നശിപ്പിച്ചു.” ബംഗാർ കൂട്ടിച്ചേർത്തു.
എന്തായാലും ലക്നൗ സീസണിൽ മോശം അവസ്ഥയിൽ നിൽക്കുന്നതിന്റെ പ്രധാന കാരണം പന്തിന്റെ മോശം ഫോം കൊണ്ട് സംഭവിച്ചത് ആണെന്ന് പറയാൻ സാധിക്കും.