ബോളുകള് അനവധി കണ്സ്യും ചെയ്ത് കെ എല് രാഹുല് കളിക്കുന്ന സോകോള്ഡ് ‘സെന്സിബിള് ടി- ട്വന്റി ഇന്നിങ്സുകള്’ കണ്ടുകൊണ്ടിരിക്കുമ്പോള് അയാളോട് അതിയായ അമര്ഷം തോന്നാറുണ്ട്.
എന്നാല് അത്തരം ദിവസങ്ങളില് തന്നെ, പലപ്പോഴും ക്ഷണിക നേരത്തേക്ക് വശ്യമായൊരു പ്രലോഭനത്തില്പെട്ട് ആ അമര്ഷത്തെകുറിച്ച് ഞാന് മറന്നു പോകാറുമുണ്ട്.
അത്, ശരീരം നാമമാത്രം ചലിപ്പിച്ചു കൊണ്ട് മിഡ്വിക്കറ്റിനും സ്ക്വയര് ലെഗിനുമൊക്കെ മുകളിലൂടെ പറത്തുന്ന ആ ഫ്ലിക്ക് സിക്സറുകളുടേയും, ഒരു ഡിഫെന്സീവ് പുഷിന്റെ എക്സ്റ്റന്ഷന് കൊണ്ട്മാത്രം എക്സ്ട്രാ കവറിനുമുകളിലൂടെ ഗ്യാലറിയുടെ സെക്കന്റ് ടീയറിലേക്ക് പന്തിനെ ലാന്ഡ് ചെയ്യിക്കുന്ന ആ സ്വാഗിന്റെ വശ്യതയും കണ്ടായിരുന്നു.
ഇന്നും അയാള് അത്തരമൊരു ഷോട്ട് കളിച്ചിരുന്നു. ഒറ്റ നോട്ടത്തില് ഹസന് മഹമ്മൂദിനെ അയാള് സ്ക്വയര് കട്ട് ചെയ്യുകയാണ് എന്നാണ് എനിക്ക് തോന്നിയത്. എന്നാല് പന്ത് പറന്നത് കവറിന് മുകളിലൂടെ ഗ്യാലറിയിലേക്ക്. എ സ്ക്വയര് കട്ട് സിക്സ് ഓവര് കവര്.
‘Needless to say, this guy plays osme extremely seductive shots’