ടെസ്റ്റ് ക്രിക്കറ്റില് നിന്നുളള വിരമിക്കലിന് പിന്നാലെ രോഹിത് ശര്മ്മയെ പുകഴ്ത്തി മുന് ഇന്ത്യന് താരവും കമന്റേറ്ററുമായ സുനില് ഗവാസ്കര്. ഇക്കഴിഞ്ഞ മേയ് ഏഴിനായിരുന്നു ടെസ്റ്റില് നിന്നും താന് വിരമിക്കുന്നതായി സോഷ്യല് മീഡിയയിലൂടെ രോഹിത് അറിയിച്ചത്. 2013ലാണ് സൂപ്പര്താരം ടെസ്റ്റ് ക്രിക്കറ്റ് കരിയറിന് തുടക്കമിട്ടത്. 67 മത്സരങ്ങള് ഇന്ത്യക്കായി കളിച്ച താരം 4,301 റണ്സാണ് നേടിയത്. 40.57 ശരാശരിയില് 12 സെഞ്ച്വറികളും 18 അര്ധസെഞ്ച്വറികളും രോഹിത് നേടി.
ഹിറ്റ്മാനോടുളള ആദരവിന്റെ ഭാഗമായി ഒരു പത്രത്തില് എഴുതിയ കുറിപ്പിലാണ് സുനില് ഗവാസ്കര് താരത്തെ കുറിച്ച് മനസുതുറന്നത്. ‘എനിക്ക് കാണാന് ഭാഗ്യം ലഭിച്ച ക്രിക്കറ്റില്, വിവ് റിച്ചാര്ഡ്സ് മാത്രമാണ് രോഹിത് ശര്മ്മയെപ്പോലെ പുള് ഷോട്ട് കളിച്ചത് എന്ന് ഞാന് നിങ്ങള്ക്ക് വാഗ്ദാനം ചെയ്യുന്നു. വിവ് പ്രധാനമായും സ്ക്വയര് ലെഗില് നിന്ന് വൈഡ് മിഡ്ഓണിലേക്ക് ബൗണ്സില് പന്ത് നേരിട്ടുകൊണ്ട് അത് കളിച്ചു, അതേസമയം രോഹിത് ശര്മ്മ ബൗണ്സിന് കീഴില് പോയി മിഡ് വിക്കറ്റില് നിന്ന് ഡീപ് ഫൈന് ലെഗിലേക്ക് സിക്സറുകള് പറത്തി.
ഒരു ഫാസ്റ്റ് ബൗളര്ക്ക് തന്റെ ഏറ്റവും വേഗതയേറിയ പന്ത് കാണികള്ക്കിടയില് നിന്ന് അപ്രത്യക്ഷമാകുന്നത് വിനാശകരവും നിരാശാജനകവുമായിരുന്നു. റിച്ചാര്ഡ്സിനും ശര്മ്മയ്ക്കും മറ്റ് ഷോട്ടുകള് ഉണ്ടായിരുന്നു, പക്ഷേ ആ പുള് ഷോട്ട് അവരുടെ ആത്മവിശ്വാസം വര്ധിപ്പിച്ചു, സുനില് ഗവാസ്കര് പറഞ്ഞു.