ബുധനാഴ്ച പഞ്ചാബ് കിംഗ്സിനെതിരായ (പിബികെഎസ്) മത്സരത്തിന് ശേഷം രാജസ്ഥാൻ റോയൽസ് (ആർആർ) നായകൻ സഞ്ജു സാംസൺ ശിഖർ ധവാന്റെ ചിത്രത്തോടൊപ്പം പങ്കിട്ട ഒരു ക്യാപ്ഷൻ ഇപ്പോൾ സോഷ്യൽ മീഡിയ ഏറ്റെടുക്കുകയാണ്. മത്സരത്തിന് ശേഷം പഞ്ചാബ് ക്യാപ്റ്റൻ ശിഖർ ധവാനൊപ്പം നിൽക്കുന്ന ഫോട്ടോ അദ്ദേഹം സോഷ്യൽ മീഡിയയിൽ പോസ്റ്റ് ചെയ്തതിന് ശേഷമായിരുന്നു സഞ്ജുവിന്റെ തഗ് വന്നത്.
വർഷങ്ങളായി ഇരു ടീമുകളും തമ്മിൽ നടന്ന ആവേശകരമായ മത്സരങ്ങളുടെ എണ്ണവും താരങ്ങൾ അനുഭവിച്ച സമ്മർദ്ദവും ഒകെ ഓർക്കുന്ന രീതിയിൽ ആയിരുന്നു സഞ്ജുവിന്റെ രസകരമായ ക്യാപ്ഷൻ . ധവാനോട് ചോദിക്കുന്ന രീതിയിൽ ഉള്ള ക്യാപ്ഷൻ ഇങ്ങനെ- സഹോദരാ, എന്തുകൊണ്ടാണ് നമ്മൾ തമ്മിൽ കളിക്കുമ്പോൾ ഇത്രയധികം കടുത്ത മത്സരങ്ങൾ വരുന്നത് .”
മത്സരത്തിന്റെ കാര്യത്തിലേക്ക് നോക്കിയാൽ ഈ ഇന്ത്യൻ പ്രീമിയർ ലീഗ് സീസണിലെ ഏറ്റവും മികച്ച ടീമെന്ന ഖ്യാതിയിൽ നിൽക്കുന്ന സംഘമാണ് രാജസ്ഥാൻ . ടീം കോമ്പിനേഷനിലും എടുക്കുന്ന തീരുമാനങ്ങളും പാളിയില്ലെങ്കിൽ അവർ കപ്പ് എടുക്കും എന്നാണ് റിക്കി പോണ്ടിംഗ് പറഞ്ഞത്. എന്നാൽ എടുത്ത തീരുമാനം തെറ്റിയപ്പോൾ ഈ സീസണിലെ രണ്ടാം മത്സരത്തിൽ മറ്റൊരു മികച്ച ടീമായ പഞ്ചാബിനോട് പരാജയപ്പെട്ടു. ആദ്യം ബാറ്റ് ചെയ്ത പഞ്ചാബ് ഉയർത്തിയ 198 റൺസ് വിജയലക്ഷ്യം പിന്തുടർന്ന രാജസ്ഥാൻ 187 റൺസിന് പുറത്തായി. ഫലം, പഞ്ചാബിന് 5 റൺസിന്റെ ആവേശ ജയം .