ഏഷ്യ കപ്പിനുള്ള ഇന്ത്യൻ സ്ക്വാഡിനെ പ്രഖ്യാപിച്ചു.ടി 20 ലോകകപ്പിന് ശേഷം മലയാളി താരം സഞ്ജു സാംസൺ വീണ്ടും ഒരു ടൂർണമെന്റിൽ ഇന്ത്യൻ ടീമിലേക്ക് തിരികെയെത്തി. നായകനായി സൂര്യകുമാർ യാദവ് തന്നെയാണ് ഇന്ത്യൻ ടീമിനെ നയിക്കുന്നത്. ഗില്ലിനെ വൈസ് ക്യാപ്റ്റൻ ആക്കുന്നതിലൂടെ സഞ്ജു സാംസന്റെ സ്ഥാനത്തിന് ഭീഷണിയാണെന്ന് പറഞ്ഞിരിക്കുകയാണ് മുൻ ഇന്ത്യൻ താരം ആർ അശ്വിൻ.
ആർ അശ്വിൻ പറയുന്നത് ഇങ്ങനെ:
” ഭാവിയിലെ നായകനായി ശുഭ്മാൻ ഗില്ലിനെയാണ് അവർ ചിന്തിക്കുന്നത്. ഒരുപക്ഷേ അദ്ദേഹത്തിന് എല്ലാ ഫോർമാറ്റിലുമുള്ള ക്യാപ്റ്റനാകാൻ കഴിയും. എന്നാൽ എല്ലാ ഫോർമാറ്റുകളിലും ഒരേ ക്യാപ്റ്റൻ ഉണ്ടായിരിക്കേണ്ട ആവശ്യമില്ല”
ആർ അശ്വിൻ തുടർന്നു:
” ഗില്ലിനെ വൈസ് ക്യാപ്റ്റനായി പ്രഖ്യാപിച്ചതാണ് ഏറ്റവും ദുഃഖകരമായ കാര്യം, അതിനാൽ സഞ്ജു സാംസണിന്റെ സ്ഥാനവും ഭീഷണിയിലാണ്. സഞ്ജു കളിക്കാൻ പോകുന്നില്ല. ശുഭ്മാൻ ഗിൽ കളിക്കും, അദ്ദേഹം ബാറ്റിംഗ് ഓപ്പൺ ചെയ്യും” ആർ അശ്വിൻ പറഞ്ഞു.
ഏഷ്യാ കപ്പിനായുള്ള ഇന്ത്യൻ ടീം: സൂര്യ കുമാർ യാദവ് (C), ശുഭ്മാൻ ഗിൽ (VC), അഭിഷേക് ശർമ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ, ജിതേഷ് ശർമ (WK), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, സഞ്ജു സാംസൺ (WK), ഹർഷിത് റാണ, റിങ്കു സിങ്