അടുത്ത വർഷം നടക്കാൻ പോകുന്ന ഐപിഎൽ മെഗാ താരലേലത്തിൽ ഡൽഹി ക്യാപിറ്റൽസ് ക്യാപ്റ്റൻ റിഷഭ് പന്ത് ഉണ്ടായിരിക്കില്ല എന്ന വാർത്ത നേരത്തെ വന്നിരുന്നു. ടീം മാനേജ്മന്റ് അടുത്ത സീസൺ കൂടെ പന്തിനെ നിലനിർത്താനാണ് പദ്ധതി ഇട്ടിരുന്നത്. അതുമായി ബന്ധപ്പെട്ട ടീമിന്റെ സഹ ഉടമയായ കിരണ് കുമാറുമായി പന്ത് കൂടിക്കാഴ്ച നടത്തിയിരുന്നു. എന്നാൽ അതിന് ശേഷം താരം ട്വിറ്ററിൽ പോസ്റ്റ് ചെയ്യ്ത കുറിപ്പാണ് അവരുടെ പദ്ധതികളെ എല്ലാം തകിടം മറിച്ചത്.
‘ഞാന് ലേലത്തിലേക്കെത്തിയാല് ഞാന് വിറ്റുപോവുമോ ഇല്ലയോ, എത്ര പണം കിട്ടും’ എന്നായിരുന്നു പന്ത് എക്സിൽ പോസ്റ്റ് ചെയ്തിരുന്നത്. ഇത് ടീം മാനേജ്മെന്റിന് അദ്ദേഹത്തോടുള്ള വിധ്വേഷത്തിന് കാരണമായി. റിഷഭ് പന്തിനെ ടീം നിലനിർത്തുമെന്ന് അറിയിച്ചതിന് ശേഷവും താരം ഇത്തരം പ്രവർത്തി ചെയ്തത് മോശമായി പോയി എന്ന് ഡൽഹി മാനേജ്മെന്റ് വൃത്തങ്ങളിലൊരാള് ക്രിക്ക് ബസിൽ പ്രതികരിച്ചിരുന്നു.
ടീം സഹ ഉടമയായ കിരൺ കുമാറുമായി അദ്ദേഹം നടത്തിയ കൂടിക്കാഴ്ചയിൽ അഭിപ്രായ ഭിന്നത ഉണ്ടായെന്നും അടുത്ത വർഷത്തെ ഐപിഎലിൽ ഡൽഹി ടീമിൽ റിഷഭ് പന്തിനെ നിലനിർത്താൻ ശ്രമിക്കില്ലെന്നും ആണ് ഇപ്പോൾ പുറത്ത് വരുന്ന റിപ്പോട്ടുകൾ സൂചിപ്പിക്കുന്നത്.
മെഗാ താരലേലത്തിൽ പന്ത് പങ്കെടുക്കുമോ ഇല്ലയോ എന്ന കാര്യത്തിൽ ഔദ്യോഗീക തീരുമാനം വരും ദിവസങ്ങളിൽ പ്രതീക്ഷിക്കാം. ഒക്ടോബർ 31 ആം തിയതിയാണ് ടീമുകൾ റീറ്റെയിൻ ചെയ്യുന്ന താരങ്ങളെ പ്രഖ്യാപിക്കേണ്ട അവസാന തീയതി. മുംബൈ ഇന്ത്യൻസിൽ നിന്നും രോഹിത്ത് ശർമ്മയും ഇത്തവണത്തെ മെഗാ താരലേലത്തിൽ പങ്കെടുക്കും എന്ന് അഭ്യൂഹങ്ങൾ ഉണ്ട്.