ഇന്ത്യൻ സ്റ്റാർ ഓൾറൗണ്ടർ ഹാർദിക് പാണ്ഡ്യ, വെസ്റ്റ് ഇൻഡീസ് ഓൾറൗണ്ടർ കീറോൺ പൊള്ളാർഡ് തന്നോട് ചെയ്ത ഒരു തമാശ കഥ പണ്ട് പറഞ്ഞിരുന്നു. ഇപ്പോഴിതാ ആ കഥ വീണ്ടും വൈറലായിരിക്കുകയാണ്. ‘ബ്രേക്ക്ഫാസ്റ്റ് വിത്ത് ചാമ്പ്യൻസ്’ എന്ന തന്റെ ടോക്ക് ഷോയിൽ ഗൗരവ് കപൂറുമായി നടത്തിയ തുറന്ന അഭിമുഖത്തിൽ വെച്ചാണ് പാണ്ട്യ ഇത് തുറന്ന് പറഞ്ഞത്.
“ഞങ്ങൾ വെസ്റ്റ് ഇൻഡീസിലേക്ക് പോയപ്പോൾ, ഞാൻ മുഴുവൻ സമയവും അദ്ദേഹത്തോടൊപ്പമായിരുന്നു. എനിക്ക് ഒന്നും സംഭവിക്കാൻ അദ്ദേഹം അനുവദിക്കില്ലെന്ന് എനിക്കറിയാമായിരുന്നതിനാൽ ഞാൻ ഇന്ത്യയിൽ ആണെന്ന് തോന്നുന്ന തരത്തിലായിരുന്നു അവിടെ ചുറ്റിക്കറങ്ങിയത്. എന്നിരുന്നാലും, അദ്ദേഹം എന്നെ പറ്റിക്കാൻ നോക്കി. അദ്ദേഹത്തിന്റെ സുഹൃത്തായ ഒരു പോലീസ് ഉദ്യോഗസ്ഥനെ പൊള്ളാർഡ് അതിനായി ഉപയോഗിച്ചു. അയാൾ ആകട്ടെ എന്നെ അറസ്റ്റ് ചെയ്യാൻ ശ്രമിച്ചു”
” അതൊരു തമാശയാണെന്ന് എനിക്കറിയാമായിരുന്നു, പക്ഷേ ഒരു ഘട്ടത്തിൽ കാര്യങ്ങൾ അൽപ്പം ഗുരുതരമായി. ഞാൻ ശാന്തനായി നിന്നു, ഞാൻ ഒരു തെറ്റും ചെയ്തിട്ടില്ലാത്തതിനാൽ ടീമിനെ വിളിച്ച് എല്ലാം പരിഹരിക്കാമെന്ന് ഞാൻ കരുതി. മറുവശത്ത് ഫോൺ തലകീഴായി പിടിച്ച് പോലീസ് ഉദ്യോഗസ്ഥൻ ആരെയോ വിളിക്കാൻ ശ്രമിക്കുന്നത് കണ്ടപ്പോൾ അത് ഒരു തമാശയാണെന്ന് എനിക്ക് മനസ്സിലായി,” ഹാർദിക് പറഞ്ഞു.