ഏകദിന ലോകകപ്പിലെ ഓസ്ട്രേലിയ- അഫ്ഗാനിസ്ഥാന് പോര് ഏറെ ആവേശകരമായ പോരാട്ടമാണ് സമ്മാനിച്ചത്. ഓസീസ് ടീം ഗ്ലെന് മാക്സ്വെല് എന്ന താരത്തിലേക്കായി ചുരുങ്ങിയപ്പോള് അഫ്ഗാന് ആയുധങ്ങളെല്ലാം നഷ്ടപ്പെട്ട പോരാളികളെ പോലെ നോക്കിനില്ക്കാനെ ആയുള്ളു. അഫ്ഗാന്റെ തോല്വിക്ക് പല കാരണങ്ങളും ചൂണ്ടിക്കാട്ടാമെങ്കിലും അഫ്ഗാന് പറ്റിയ പ്രധാന പിഴവ് എന്താണെന്ന് ചൂണ്ടിക്കാട്ടിയിരിക്കുകയാണ് പാക് ഇതിഹാസം വസിം അക്രം.
എന്തുകൊണ്ടാണ് മാക്സ് വെല്ലിനെതിരേ ഓഫ് സ്റ്റംപിന് പുറത്ത് പന്ത് എറിയാതിരുന്നത്? വലംകൈയന് ബാറ്റര് ക്രീസിലുള്ളപ്പോള് എറൗണ്ട് ദി വിക്കറ്റില് ഓഫ് സ്റ്റംപിന് പുറത്ത് എറിയണമെന്നാണ് യുവ ബോളര്മാരോട് ഞാന് പറയാറുള്ളത്- അക്രം പറഞ്ഞു.
മത്സരത്തില് 292 റണ്സ് വിജയലക്ഷ്യം പിന്തുടര്ന്നിറങ്ങിയ ഓസീസിന് 91 റണ്സ് എടുക്കുന്നതിനിടെ ഏഴ് വിക്കറ്റുകള് നഷ്ടമായിരുന്നു. പിന്നീട് മാക്സ്വെല്ലിന്റെ അവിശ്വസനീയ ഇന്നിംഗ്സാണ് ഓസീസിന് അസാധ്യമെന്ന് തോന്നിയ ജയം നേടിക്കൊടുത്തത്.
128 പന്ത് നേരിട്ട് 21 ഫോറും 10 സിക്സും ഉള്പ്പെടെ 201 റണ്സാണ് മാക്സ്വെല് പുറത്താവാതെ നേടിയത്. 157ന് മുകളില് സ്ട്രൈക്ക് റേറ്റിലായിരുന്നു മാക്സ്വെല് വെടിക്കെട്ട്.