ഇന്ത്യൻ പ്രീമിയർ ലീഗ് (ഐപിഎൽ) 2024- സീസണിലേക്ക് വന്നാൽ സൺറൈസേഴ്സ് ഹൈദരാബാദിന് ശക്തമായ ടീമുണ്ട്. പാറ്റ് കമ്മിൻസ് (20.50 കോടി), ട്രാവിസ് ഹെഡ് (6.80 കോടി), വനിന്ദു ഹസരംഗ (1.50 കോടി), ജയദേവ് ഉനദ്കട്ട് (1.60 കോടി) എന്നിവരെയും മറ്റ് ചില താരങ്ങളും ഹൈദരാബാദ് വാങ്ങി. കഴിഞ്ഞുപോയ സീസണുകളിൽ പലതിലും നടത്തിയ മോശം പ്രകടനത്തിന് പരിഹാരം തേടി മികച്ച പ്രകടനം നടത്താനായിരിക്കും ടീം ഇത്തവണ ശ്രമിക്കുക.
ടൂർണമെന്റിന്റെ വരാനിരിക്കുന്ന സീസണിൽ സൺറൈസേഴ്സ് ഹൈദരാബാദിന് വിജയിക്കാൻ സാധ്യതകൾ ഉണ്ടെന്ന് മുൻ ദക്ഷിണാഫ്രിക്കൻ താരം എബി ഡിവില്ലിയേഴ്സ് പറഞ്ഞു..
“ചെന്നൈ സൂപ്പർ കിംഗ്സിനൊപ്പം ഹൈദരാബാദിനും മികച്ച ലേലമാണ് കിട്ടിയത്. ഹൈദരാബാദിന് അവരുടെ രണ്ടാം ഐപിഎൽ ട്രോഫി നേടാനാകും. ടി20 ക്രിക്കറ്റിലെ ഫലം നിങ്ങൾക്ക് പ്രവചിക്കാൻ കഴിയാത്തതിനാൽ എനിക്ക് ഉറപ്പ് നൽകാൻ കഴിയില്ല, പക്ഷേ അവർക്ക് ട്രോഫി ഉയർത്താനുള്ള സ്ക്വാഡുണ്ട്. വനിന്ദു ഹസരംഗയാണ് ഈ വർഷത്തെ ലേലത്തിൽ അവർക്ക് കിട്ടിയ ബോണസ്. ഓരോ രണ്ടാം ഗെയിമിനും ശേഷവും അദ്ദേഹം മാച്ച് വിന്നിംഗ് പ്രകടനം നടത്തും. പാറ്റ് കമ്മിൻസ്, ട്രാവിസ് ഹെഡ് എന്നിവരും മികച്ച വാങ്ങലുകളാണ്, ”എബി ഡിവില്ലിയേഴ്സ് തന്റെ യൂട്യൂബ് ചാനലിൽ പറഞ്ഞു.
ദുബായിൽ നടക്കുന്ന ഐപിഎൽ 2024 ലേലത്തിലെ പ്രകടനത്തിന് എസ്ആർഎച്ചിനും സിഎസ്കെക്കും സ്വർണമെഡൽ ലഭിക്കണം,” അദ്ദേഹം കൂട്ടിച്ചേർത്തു. ഐപിഎൽ 2024ൽ സൺറൈസേഴ്സ് ഹൈദരാബാദിനെ നയിക്കേണ്ടത് എയ്ഡൻ മാർക്രമാണ് മറിച്ച്പാറ്റ് കമ്മിൻസല്ല എന്നും ഡിവില്ലേഴ്സ് പറഞ്ഞു.