ഇന്ത്യയുടെ സൂപ്പർ 8 പോരാട്ടം ഇന്ന് തുടങ്ങുകയാണ്. ആദ്യ മത്സരത്തിൽ ഇന്ന് അവർ അഫ്ഗാനിസ്ഥാനെ നേരിടുമ്പോൾ പ്രതീക്ഷിക്കുന്നത് മിന്നും ജയമാണ് ഇന്ത്യ പ്രതീക്ഷിക്കുന്നത്. അഫഗാനിസ്ഥാനെ കൂടാതെ ബംഗ്ലാദേശ്, ഓസ്ട്രേലിയ ടീമുകൾ ഇന്ത്യയുടെ ഗ്രുപ്പിലുണ്ട്. അതിൽ ബംഗ്ലാദേശ്, അഫ്ഗാൻ തുടങ്ങിയ ടീമുകൾക്ക് എതിരായ ജയം ഇന്ത്യയെ സംബന്ധിച്ച് പ്രധാനമാണ്.
ബാറ്റർമാരുടെ മോശം ഫോം മാത്രമാണ് ഇന്ത്യയെ സംബന്ധിച്ച് ഇന്നത്തെ ഏറ്റവും വലിയ ആശങ്ക. ഋഷഭ് പന്ത് ഒഴികെ സ്ഥിരതയോടെ ബാറ്റിംഗിൽ തിളങ്ങാൻ ആർക്കും സാധിച്ചിട്ടില്ല. ഏത് നിമിഷവും ശക്തരായ എതിരാളികളെ വീഴ്ത്താൻ തക്ക കരുത്തുള്ള അഫ്ഗാൻ ഒരിക്കലും എഴുതി തല്ലാൻ പറ്റില്ല. അതിനാൽ തന്നെ ഇന്ത്യൻ ബാറ്റർമാർ തിളങ്ങാതെ മറ്റ് മാർഗങ്ങളിൽ ഇല്ല.
ഇരുടീമുകളുടെയും സ്ട്രോങ്ങ് പോയിന്റ് ബോളിങ് ആണ്. അതിനാൽ തന്നെ കടുത്ത മത്സരം തന്നെ ഇരുടീമുകളിലെയും ബാറ്റർമാർ കടുത്ത മത്സരം നേരിടേണ്ടതായി വരും. മലയാളി താരം സഞ്ജുവിനെ സംബന്ധിച്ച് താരത്തിന് ഇതുവരെ ഒരൊറ്റ മത്സരത്തിൽ പോലും ടീമിൽ ഇറങ്ങാൻ അവസരം കിട്ടിയിട്ടില്ല. ഇന്ന് സൂപ്പർ 8 ൽ ഇന്ത്യക്കായി സഞ്ജു കളത്തിൽ ഇറങ്ങുമോ എന്ന കാര്യത്തിൽ വ്യക്തത ഇല്ല. എന്തായാലും താരത്തിനെ ഇന്ന് കാത്തിരിക്കുന്നത് ഒരു മിന്നും റെക്കോഡാണ്.
മത്സരത്തിൽ രണ്ട് സിക്സുകൾ കൂടി നേടാൻ സഞ്ജുവിന് സാധിച്ചാൽ ടി-20 ക്രിക്കറ്റിൽ 300 സിക്സുകൾ എന്ന നേട്ടം സ്വന്തമാക്കാൻ സഞ്ജുവിന് സാധിക്കും. അങ്ങനെ കിട്ടിയാൽ ഈ ലിസ്റ്റിൽ വരുന്ന ഏഴാമത്തെ ഇന്ത്യക്കാരനും ആയി താരം മാറും.