ഇന്ത്യന് ക്രിക്കറ്റ് താരങ്ങളായ ഹാര്ദ്ദിക്ക് പാണ്ഡ്യയുടെയും ക്രുണാല് പാണ്ഡ്യയുടെയും പിതാവ് ഹിമാന്ഷു പാണ്ഡ്യ അന്തരിച്ചു. ഹൃദയാഘാതത്തെ തുടര്ന്ന് ശനിയാഴ്ച രാവിലെയോടെയായിരുന്നു അന്ത്യം.
ഏകദിന പരമ്പരയ്ക്ക് ശേഷം ഓസ്ട്രേലിയയില് നിന്ന് ഹര്ദിക് നാട്ടില് തിരിച്ചെത്തിയിരുന്നു. സയെദ് മുഷ്താഖ് അലി ട്രോഫിയില് ബറോഡയ്ക്ക് വേണ്ടി കളിക്കുകയായിരുന്ന ക്രുണാല് പാണ്ഡ്യ പിതാവിന്റെ വിയോഗത്തെ തുടര്ന്ന് കുടുംബാംഗങ്ങള്ക്കൊപ്പം ചേരാനായി ബയോ ബബിളില് നിന്ന് പുറത്തു വന്നു.
ടീമിന്റെ നായകന് കൂടിയായിരുന്ന ക്രുണാലിന് ടൂര്ണമെന്റിലെ ഇനിയുള്ള മത്സരങ്ങളില് കളിക്കാനാവില്ല. ബറോഡ ക്രിക്കറ്റ് അസോസിയേഷന് ഇക്കാര്യം വ്യക്തമാക്കുകയും ചെയ്തു.
ഇംഗ്ലണ്ടിനെതിരായ പരമ്പരയ്ക്ക് മുന്നോടിയായുള്ള പരിശീലനത്തിലായിരുന്നു ഹാര്ദ്ദിക്. പിതാവിന്റെ വിയോഗത്തെ തുടര്ന്ന് പരിശീലനം മതിയാക്കി ഹാര്ദ്ദിക്കും നീട്ടിലേക്ക് മടങ്ങി.