T20I ക്രിക്കറ്റിലെ ഇന്ത്യയുടെ ടോപ് ഓർഡറിൽ മാറ്റം വരുത്തണമെന്ന് ആകാശ് ചോപ്ര ആഗ്രഹിക്കുന്നു, നിലവിൽ ടീമിൽ ഉള്ളവരെ മാറ്റി പുതിയ താരങ്ങളെ ടീമിൽ ഉൾപ്പെടുത്തണം എന്നാണ് ആകാശ് ചോപ്ര പറയുന്നത്
അടുത്തിടെ സമാപിച്ച ടി20 ലോകകപ്പിൽ ഇന്ത്യയുടെ ഓപ്പണർമാരായ രോഹിത് ശർമ്മയും കെഎൽ രാഹുലും നിരാശപെടുത്തിയിരുന്നു. ശരാശരിയും സ്ട്രൈക്ക് റേറ്റും ഒകെ ദയനീയം ആയിരുന്നു. എന്നിരുന്നാലും, വിരാട് കോഹ്‌ലി ടൂർണമെന്റിലെ ടോപ് സ്‌കോററായി ഫിനിഷ് ചെയ്തു. 296 റൺസ് നേടിയത് 98.66 എന്ന അതിശയിപ്പിക്കുന്ന ശരാശരിയിലും 136.40 എന്ന ശ്രദ്ധേയമായ സ്ട്രൈക്ക് റേറ്റിലുമാണ്.
തന്റെ യൂട്യൂബ് ചാനലിൽ പങ്കിട്ട ഒരു വീഡിയോയിൽ, ഈ മൂവരും ഇന്ത്യൻ ടോപ് ഓർഡറിൽ ഉണ്ടാകണമോ എന്ന ചോദ്യമാണ് പങ്കിട്ടത്.
“ഇന്ത്യയുടെ രണ്ട് ഓപ്പണർമാർ ആരായിരിക്കണം, അടുത്ത ടി20 ലോകകപ്പ് 2024-ൽ ആണെങ്കിൽ മൂന്നാം നമ്പർ ആകണം? ആ കോണിൽ നിന്ന് ചിന്തിക്കുകയാണെങ്കിൽ, അത് രോഹിതും രാഹുലും കോഹ്‌ലിയും ആയിരിക്കണമോ? എല്ലാവരും മുപ്പത് പിന്നിട്ടവരാണ്. ഒരുപാട് ക്രിക്കറ്റ് ഒന്നും അവശേഷിക്കുന്നില്ല.”
“പ്രായം കൂടുതൽ ഉള്ള താരങ്ങൾ ഉള്ള ക്യാമ്പ് നിങ്ങൾ ഇഷ്ടപെടുന്ന ഒരു കാര്യമല്ല. ഇപ്പോഴുള്ള ഇന്ത്യൻ ടീം അത്തരം ഒരു അവസ്ഥയിലാണ്, അത് ഒട്ടും നല്ലതായി തോന്നുന്നില്ല ”
രോഹിതിനും കോഹ്‌ലിക്കും യഥാക്രമം 35ഉം 34ഉം വയസ്സുള്ളപ്പോൾ രാഹുലിന് ഈ വർഷം ഏപ്രിലിൽ 30 വയസ്സ് തികഞ്ഞു. കർണാടക ഓപ്പണർക്ക് ഏതാനും വർഷത്തെ ഓൾ ഫോർമാറ്റ് ക്രിക്കറ്റ് മുന്നിലുണ്ടാകുമെങ്കിലും, രോഹിതും കോഹ്‌ലിയും ഏറ്റവും കുറഞ്ഞ ഫോർമാറ്റിൽ അത് ഉപേക്ഷിച്ച് ടെസ്റ്റുകളിലും ഏകദിനങ്ങളിലും ശ്രദ്ധ കേന്ദ്രീകരിക്കാൻ ആഗ്രഹിച്ചേക്കാം എന്നും ചോപ്ര പറഞ്ഞു.