ഇന്ത്യന് ക്രിക്കറ്റ് താരം കെ.എല്. രാഹുല് വിവാഹിതനാകുന്നു. ബോളിവുഡ് നടി ആതിയ ഷെട്ടിയാണ് വധു. ഇരുവരും തമ്മിലുള്ള വര്ഷം അടുത്തവര്ഷം നടക്കുമെന്നാണ് റിപ്പോര്ട്ടുകള്. അടുത്ത വര്ഷം ജനുവരിയിലോ, ഫെബ്രുവരിയിലോ വിവാഹം നടത്താന് ഇരു കുടുംബങ്ങളും തീരുമാനിച്ചതായാണു ദേശീയ മാധ്യമം റിപ്പോര്ട്ട് ചെയ്തത്.
മൂന്നു വര്ഷമായി ഇരുവരും ഡേറ്റിംഗിലാണ്. ആതിയയുടെ സഹോദരന് അഹാന് ഷെട്ടിയുടെ ആദ്യ സിനിമയുടെ പ്രദര്ശനത്തിനു രാഹുലും ആതിയയും ഒരുമിച്ചെത്തിയാണ് പ്രണയത്തിലാണെന്നു വെളിപ്പെടുത്തിയത്. വിവാഹ തീയതിയും വേദിയും തീരുമാനിച്ചിട്ടില്ല. മുംബൈയിലെ പാലി ഹില്ലിലെ വീട്ടിലായിരിക്കും രാഹുലും ആതിയയും വിവാഹ ശേഷം താമസിക്കുക.
മൂന്ന് മാസത്തിനകം ഇരുവരും വിവാഹിതരാകുമെന്ന് നേരത്തേ അഭ്യൂഹങ്ങള് ഉണ്ടായിരുന്നു. എന്നാല് ഇതുതള്ളി ആതിയ തന്നെ രംഗത്തുവന്നിരുന്നു ”ഈ വിവാഹത്തില് എനിക്കും ക്ഷണമുണ്ടാകുമല്ലോ” എന്നായിരുന്നു നടിയുടെ പ്രതികരണം.
നിലവില് പരിക്കിനെ തുടര്ന്ന് ഇന്ത്യന് ടീമിന് പുറത്താണ് രാഹുല്. കഴിഞ്ഞ ഐപിഎല്ലിനു ശേഷം രാഹുല് ഇന്ത്യക്കായി കളിച്ചിട്ടില്ല. നാട്ടില് നടന്ന ദക്ഷിണാഫ്രിക്കയുമായുള്ള അഞ്ചു ടി20കളുടെ പരമ്പരയിലെ ടീമിനെ നയിക്കേണ്ടിയിരുന്നത് അദ്ദേഹമായിരുന്നു. എന്നാല് പരമ്പയയ്ക്കു രണ്ടു ദിവസം മുമ്പ് നെറ്റ്സില് വച്ച് രാഹുലിനു പരിക്കേല്ക്കുകയായിരുന്നു. തുടര്ന്നു ജര്മനിയില് വച്ച് ശസ്ത്രകിയക്കു വിധേയനായ അദ്ദേഹത്തിനു അയര്ലാന്ഡ്, ഇംഗ്ലണ്ട് പര്യടനങ്ങള് നഷ്ടമായിരുന്നു. സിംബാബ്വെ പര്യടനത്തിലാവും താരം ടീമില് തിരിച്ചെത്തുക.