ന്യൂസിലന്‍ഡ് മുന്‍ ക്രിക്കറ്റ് താരം ക്രിസ് കെയിന്‍സിന്റെ ആരോഗ്യാവസ്ഥ സാധാരണ നിലയിലേക്ക്. കെയിന്‍സ് തന്റെ വീണ്ടെടുപ്പില്‍ ഒരു സുപ്രധാന നാഴികക്കല്ല് ആഘോഷിച്ചു. രണ്ട് വര്‍ഷത്തിന് ശേഷം അദ്ദേഹം ആദ്യമായി പൊതുനിരത്തില്‍ പ്രത്യക്ഷപ്പെട്ടു. ഹൃദയാഘാതം, നട്ടെല്ലിന് പരിക്ക് തുടങ്ങി തിരിച്ചടികള്‍ നേരിട്ടെങ്കിലും പൊതുജീവിതത്തിലേക്കു താരം തിരിച്ചുവരവിനെ സൂചിപ്പിച്ച് കെയ്ന്‍സ് തിങ്കളാഴ്ച ഒരു പബ്ബില്‍ എത്തി.
ക്രച്ചസിന്റെ സഹായത്തോടെ ബാറിലേക്കുള്ള തന്റെ പ്രവേശനം ചിത്രീകരിക്കുന്ന ഒരു വീഡിയോ കെയ്ന്‍സ് തന്നെ ഇന്‍സ്റ്റാഗ്രാമില്‍ പങ്കുവെച്ചു. ചില അസ്വാസ്ഥ്യങ്ങള്‍ പ്രകടമാക്കിയിട്ടും, കെയ്ന്‍സ് ഒരു മേശപ്പുറത്ത് കൈവെച്ചുകൊണ്ട് ഒരു പുഞ്ചിരി സമ്മാനിച്ചുകൊണ്ട് ഒരു ചെറുത്തുനില്‍പ്പിന്റെ മനോഭാവം നിലനിര്‍ത്തി.
View this post on Instagram
2021 ഓഗസ്റ്റില്‍ ഓസ്ട്രേലിയയിലെ കാന്‍ബെറയിലുള്ള വീട്ടില്‍ വച്ച് ഹൃദയാഘാതം അനുഭവപ്പെട്ടതിനെ തുടര്‍ന്ന് കെയ്ന്‍സ് ആശുപത്രിയില്‍ പ്രവേശിപ്പിച്ചു. തുടര്‍ന്ന് സിഡ്നിയിലേക്ക് എയര്‍ലിഫ്റ്റ് ചെയ്ത അദ്ദേഹത്തിന് ഒരു അയോര്‍ട്ടിക് ഡിസെക്ഷന്‍ നേരിടേണ്ടിവന്നു, അതിന്റെ ഫലമായി നാല് തുറന്ന ഹൃദയ ശസ്ത്രക്രിയകള്‍ നടത്തി. ദൗര്‍ഭാഗ്യകരമെന്നു പറയട്ടെ, ശസ്ത്രക്രിയക്കിടെ ഉണ്ടായ സ്‌ട്രോക്കിനെ തുടര്‍ന്ന് താരത്തിന്റെ ഇരുകാലുകളും തളര്‍ന്നു.ആറുമാസത്തിനുശേഷം, ഒരു പതിവ് പരിശോധനയ്ക്കിടെ അദ്ദേഹത്തിന് കുടല്‍ കാന്‍സര്‍ ഉണ്ടെന്ന് കണ്ടെത്തി.
ന്യൂസിലന്‍ഡിന്റെ ഏറ്റവും മികച്ച ഓള്‍റൗണ്ടര്‍മാരില്‍ ഒരാളായി അംഗീകരിക്കപ്പെട്ട കെയിന്‍സ് സോഷ്യല്‍ മീഡിയയില്‍ തന്റെ സജീവ സാന്നിദ്ധ്യം നിലനിര്‍ത്തുന്നുണ്ട്. തന്റെ വീണ്ടെടുക്കല്‍ യാത്രയിലെ അപ്ഡേറ്റുകള്‍ അദ്ദേഹം ആരാധകര്‍ക്കായി പങ്കുവയ്ക്കാറുണ്ടായിരുന്നു.
തന്റെ കരിയറില്‍ ഉടനീളം 62 ടെസ്റ്റുകളിലും 215 ഏകദിനങ്ങളിലും രണ്ട് ടി20 മത്സരങ്ങളിലും കെയിന്‍സ് ന്യൂസിലന്‍ഡിനെ പ്രതിനിധീകരിച്ചു. ഇവയില്‍നിന്ന് 8000-ത്തിലധികം റണ്‍സ് സമ്പാദിക്കുകയും 400 വിക്കറ്റുകള്‍ നേടുകയും ചെയ്തു.