ഐപിഎല് 17ാം സീസണില് രാജസ്ഥാന് റോയല്സിനായി കളിക്കാന് തയ്യാറെടുക്കവേ ഏറ്റവമധികം ഭയപ്പെടുന്ന കാര്യം എന്താണെന്നു വെളിപ്പെടുത്തി ഇന്ത്യന് പേസര് ആവേശ് ഖാന്. നോ ബോള്, വൈഡ് ബോള്, ഫുള് ടോസ്, അല്ലെങ്കില് ആര്സിബി ഫാന്സ് ഇവയില് എന്തിനെയാണ് ഏറ്റവുമധികം ഭയപ്പെടുന്നത് എന്നായിരുന്നു ചോദ്യം. സര്പ്രൈസ് മറുപടിയാണ് താരം ഇതിനു നല്കിയത്.
ആര്സിബിയുടെ ആരാധകരെയാണ് മറ്റെന്തിനേക്കാളും താന് ഭയക്കുന്നതെന്നായിരുന്നു ആവേശ് തുറന്നു പറഞ്ഞത്. കഴിഞ്ഞ ഐപിഎല് സീസണില് ലഖ്നൗ ടീമിനായി കളിക്കവെ അദ്ദേഹത്തിന്റെ പരിധി വിട്ട ആഹ്ലാദപ്രകടനമാണ് താരത്തെ ആര്സിബി ആരാധകര്ക്ക് വെറുക്കപ്പെട്ടവനാക്കിയത്.
ആര്സിബിയുമായുള്ള ആവേശകരായ ത്രില്ലറില് ലഖ്നൗ ഒരു വിക്കറ്റിന്റെ വിജയം നേടിയതിന് പിന്നാലെയായിരുന്നു ആവേശ് ഖാന്റെ വിവാദ ആഹ്ലാദപ്രകടനം. ആവേശും രവി ബിഷ്നോയിയും ചേര്ന്നായിരുന്നു അന്നു സിംഗിളിലൂടെ ലഖ്നൗവിനു വിജയറണ് സമ്മാനിച്ചത്.
വിജയറണ്സ് കുറിച്ചതിനു പിന്നാലെ ഹെല്മറ്റൂരി ഗ്രൗണ്ടിലേക്കു വലിച്ചെറിഞ്ഞായിരുന്നു ആവേശിന്റെ ആക്രോശം. ഇത് ആര്സിബി ആരാധകരുടെ വിമര്ശനത്തിന് പുറമേ മോശം പെരുമാറ്റത്തിന്റെ പേരില് ആവേശിനു പിഴയും കിട്ടിയിരുന്നു.