ഇംഗ്ലണ്ടിനെതിരായ നാലാമത്തെയും അവസാനത്തെയും ക്രിക്കറ്റ് ടെസ്റ്റില് ഇന്ത്യ ഇറങ്ങുക രണ്ട് നിര്ണായക മാറ്റങ്ങളോടെ ആയിരിക്കുമെന്ന് സൂചന. മൂന്നാം ടെസ്റ്റില് ഇറങ്ങിയ ടീമില് രണ്ട് മാറ്റമാണ് പ്രതീക്ഷിക്കുന്നത്.
നാലാം ടെസ്റ്റില് വ്യക്തിപരമായ കാര്യങ്ങളാല് പിന്മാറിയ ജസ്പ്രീത് ബുംറയ്ക്ക് പകരം ഉമേഷ് യാദവ് ടീമിലെത്തുമെന്നതാണ് ഒരു മാറ്റം. പരിക്കു ഭേദമായ ഉമേഷ് അവസാന രണ്ടു ടെസ്റ്റുകളിലാണ് ടീമിനൊപ്പം ചേര്ന്നത്. വാഷിംഗ്ടണ് സുന്ദറിന് പകരം കുല്ദീപ് യാദവ് എത്തിയേക്കുമെന്നതാണ് പ്രതീക്ഷിക്കുന്ന മറ്റൊരു മാറ്റം.
നാലാം ടെസ്റ്റിലും സ്പിന് ബോളിംഗിന് അനുകൂലായ പിച്ച് തന്നെയാണ് ഒരുങ്ങുന്നതെന്നാണ് റിപ്പോര്ട്ട്. അങ്ങനെ എങ്കില് മൂന്നു സ്പിന്നര്മാരും രണ്ടു പേസര്മാരുമടങ്ങുന്ന ബോളിംഗ് കോമ്പിനേഷന് തന്നെ ഇന്ത്യ തുടരും.
മൊട്ടേരയില് നടന്ന കഴിഞ്ഞ പിങ്ക് ബോള് ടെസ്റ്റിലെ പിച്ച് സ്പിന്നര്മാരെ അകമഴിഞ്ഞ് പിന്തുണച്ചിരുന്നു. മാര്ച്ച് നാല് മുതല് മൊട്ടേരയില് തന്നെയാണ് നാലാം ടെസ്റ്റും നടക്കുന്നത്.