ഷെമിന് അബ്ദുള്മജീദ്
വീണ്ടുമൊരു സെമി ഫൈനല് , വീണ്ടുമൊരു തോല്വി. വിമന്സ് T20 ലോകകപ്പില് 170 + സ്കോര് ഇതുവരെ ആരും ചെയ്സ് ചെയ്തിട്ടില്ലാന്നിരിക്കെ ഇന്ത്യ ഓസ്ട്രേലിയക്കെതിരെ ആ ലക്ഷ്യത്തിന് 6 റണ്സകലെ വീണിരിക്കുന്നു..
മറ്റേത് ടീമിനേക്കാളം ഓസ്ട്രേലിയന് വിമന്സ് ടീമിന്റെ മികച്ച പ്രൊഫഷണലിസം തന്നെയാണ് അവരെ നിര്ണ്ണായക മാച്ചുകളില് ജയിപ്പിക്കുന്നത്. WBBL ഈ പ്രൊഫഷണലിസം കൈവരിക്കുന്നതിന് വളരെയധികം സഹായിക്കുന്നുണ്ട്.
ഒരു മല്സരം ജയിപ്പിക്കാന് കെല്പ്പുള്ള 11 കളിക്കാരുമായി ഓസ്ട്രേലിയ ഇറങ്ങുമ്പോള് 2-3 കളിക്കാരുടെ ഒരു അതി ഗംഭീര പെര്ഫോമന്സ് കൊണ്ട് മാത്രം വലിയ ടീമുകളുടെ മറികടക്കാന് സാധിക്കുന്ന ഇന്ത്യയുടെ പരാജയം മല്സരത്തിന് മുന്പേ ഏറെക്കുറെ ഉറപ്പായിരുന്നു..
പവര് ബാറ്റിംഗ് , വിക്കറ്റിന് ഇടയിലൂടെയുള്ള ഓട്ടം, ഗ്രൗണ്ട് ഫീല്ഡിങ് ഇതിലെല്ലാം ഇന്ത്യ ഓസ്ട്രേലിയയേക്കാള് കാതങ്ങള് പുറകിലാണ്. WPL ന്റെ പ്രാധാന്യം ഇവിടെയാണ് വെളിവാകുന്നത്. ഒരു പ്രൊഫഷണല് ക്ലബ് ക്രിക്കറ്റ് ലീഗ് തീര്ച്ചയായും കളിക്കാരുടെ സ്കില് സെറ്റ് മറ്റൊരു ലെവലിലേക്ക് ഉയര്ത്തും.
WPL ന്റെ 2-3 സീസണ് കഴിയുന്നതോടെ ഇന്ത്യന് വിമന്സ് ക്രിക്കറ്റില് മാറ്റങ്ങള് പ്രകടമായിത്തുടങ്ങും എന്ന് തന്നെയാണ് വിശ്വസിക്കുന്നത്..
കടപ്പാട്: മലയാളി ക്രിക്കറ്റ് സോണ്