ഐപിഎലിൽ ഇപ്പോൾ നടക്കുന്ന മത്സരത്തിൽ കൊൽക്കത്തയ്‌ക്കെതിരെ കൂറ്റൻ സ്‌കോറിൽ എത്തി സൺ റൈസേഴ്‌സ് ഹൈദരാബാദ്. 20 ഓവറിൽ ടീം നേടിയത് 278 റൺസാണ്. ബാറ്റ് ചെയ്ത എല്ലാ ബാറ്റ്‌സ്മാന്മാരും തകർപ്പൻ പ്രകടനമാണ് നടത്തിയത്. ഇന്നത്തെ ബാറ്റിംഗിൽ സ്റ്റാർ ആയത് ഹെൻറിച്ച് ക്ലാസനാണ്. 39 പന്തുകളിൽ നിന്നായി 7 ഫോറം 9 സിക്‌സും അടക്കം 105 റൺസാണ് താരം നേടിയത്.
കൂടാതെ ഹൈദെരാബാദിനായി ട്രാവിസ് ഹെഡ് 40 പന്തിൽ 6 സിക്‌സും 6 ഫോറുമായി 76 റൺസും നേടി. ഓപ്പണിങ് ബാറ്റ്‌സ്മാനായ അഭിഷേക് ശർമ്മ 16 പന്തിൽ 4 ഫോറും 2 സിക്സുമായി 32 റൺസും, ഇഷാൻ കിഷൻ 20 പന്തിൽ നിന്നായി 4 ഫോറും 1 സിക്സുമായി 29 റൺസും നേടി വെടിക്കെട്ട് പ്രകടനം കാഴ്ച വെച്ചു.
മോശമായ ബോളിങ് പ്രകടനമാണ് കൊൽക്കത്ത ബോളർമാർ കാഴ്ച വെച്ചത്. അതിൽ പ്രധാനമായും 3 ഓവറിൽ 54 റൺസ് വഴങ്ങിയ വരുൺ ചക്രവർത്തിക്ക് നേരെയാണ് ആരാധകരോഷം. ഒരു ഓവർ കൂടെ ബാക്കിയുണ്ടായിരുന്നേൽ അദ്ദേഹം 90 റൺസ് വരെ വഴങ്ങിയേനെ എന്നാണ് ആരാധകരുടെ അഭിപ്രായം. മോശമായ ഫോമിൽ തുടരുന്ന താരം ഇന്ത്യൻ കുപ്പായത്തിൽ കയറിയാൽ ഫോമിലേക്ക് എത്തിയേക്കും എന്ന് പ്രതീക്ഷിക്കാം.
