ഇന്ത്യക്കായി ഉടന്‍ കളിക്കാന്‍ പോകുന്ന താരത്തെ തിരഞ്ഞെടുത്ത് ഇന്ത്യന്‍ മുന്‍ ഓപ്പണര്‍ വീരേന്ദര്‍ സെവാഗ്. മുംബൈയുടെ തിലക് വര്‍മ്മയെയും കൊല്‍ക്കത്തയുടെ റിങ്കു സിംഗിനെയും തഴഞ്ഞ് പഞ്ചാബ് താരം ജിതേഷ് ശര്‍മയെയാണ് സെവാഗ് തിരഞ്ഞെടുത്തത്. അടുത്ത ഒരു വര്‍ഷത്തിനുള്ളില്‍ ജിതേഷ് ഇന്ത്യക്കായി കളിക്കുമെന്നാണ് സെവാഗ് പറയുന്നത്.
ഞാന്‍ എപ്പോഴും കുട്ടികളോട് പറയാറുണ്ട് നിങ്ങള്‍ പന്ത് കണ്ട ശേഷം നിങ്ങള്‍ക്ക് മനസില്‍ തോന്നുന്നത് എന്താണോ അത് ചെയ്യുക. അടിക്കുകയോ പ്രതിരോധിക്കുകയോ ഒഴിവാക്കുകയോ ചെയ്യുക. ഇതാണ് ബാറ്റിംഗിന്റെ ലളിതമായ തത്വം. അതാണ് ജിതേഷ് ശര്‍മ ചെയ്യുന്നത്.
പന്തിനെ നോക്കി അടിക്കാന്‍ പറ്റുന്ന പന്താണെങ്കില്‍ അടിക്കുകയും സിംഗിളെടുക്കുകയും ചെയ്യുക. ടി20യില്‍ പന്തുകള്‍ ഒഴിവാക്കുക നല്ലതല്ല. കാര്യങ്ങളെ ലളിതമായി കാണുന്നവനാണ് ജിതേഷ് സെവാഗ് പറഞ്ഞു.
വിക്കറ്റ് കീപ്പര്‍ ബാറ്റ്സ്മാനായ ജിതേഷ് ശര്‍മ ഈ സീസണില്‍ പഞ്ചാബ് കിംഗ്‌സിനായി ഗംഭീര പ്രകടനമാണ് കാഴ്ചവെക്കുന്നത്. അതിവേഗം റണ്‍സുയര്‍ത്താന്‍ കഴിവുള്ള ജിതേഷ് ഇന്ത്യയുടെ വിക്കറ്റ് കീപ്പര്‍ സ്ഥാനത്തേക്ക് പരിഗണിക്കപ്പെടാന്‍ സാദ്ധ്യതയേറെയുള്ള താരമാണ്.
