2011 ലോകകപ്പിലെ ഇന്ത്യയുടെ വിജയത്തിന്റെ ഹൈലൈറ്റുകളിലൊന്ന്, അന്ന് 23 വയസ്സുള്ള വിരാട് കോഹ്ലി ഇതിഹാസ താരം സച്ചിൻ ടെണ്ടുൽക്കറെ തോളിലേറ്റി, നടന്ന ആ കാഴ്ച അതിമനോഹരമായിരുന്നു “24 വർഷമായി അദ്ദേഹം ടീം ഇന്ത്യയുടെ ഭാരം ചുമക്കുന്നു, ഇപ്പോൾ നമുക്ക് അവനെ വഹിക്കാനുള്ള സമയമാണ്.” കോഹ്ലി സച്ചിനെ എടുത്തുയർത്തിയ ശേഷം പറഞ്ഞ വാചകമായിരുന്നു ഇതൊക്കെ. ഇപ്പോഴിതാ അതെ കോഹ്ലി ഇന്ത്യൻ മണ്ണിൽ മറ്റൊരു ലോകകപ്പ് നടക്കുമ്പോൾ അന്ന് നീണ്ട കാത്തിരിപ്പിന് ശേഷം ലോകകപ്പ് നേടിയ സച്ചിനെ പോലെ ഒരു ട്രോഫി അർഹിക്കുന്നു..
2011-ൽ WC നേടിയതിനെക്കുറിച്ച് ചോദിച്ചപ്പോൾ, സൂപ്പർ താരം പറഞ്ഞത് ഇപ്പോഴും തന്റെ ഏറ്റവും മികച്ച ക്രിക്കറ്റ് നിമിഷമാണിതെന്ന്.
“എന്റെ കരിയറിലെ ഹൈലൈറ്റ് വ്യക്തമായും 2011 ലെ ലോകകപ്പ് നേടിയതാണ്. എനിക്ക് അന്ന് 23 വയസ്സായിരുന്നു, അതിന്റെ വ്യാപ്തി എനിക്ക് മനസ്സിലായില്ല. എന്നാൽ ഇപ്പോൾ 34-ാം വയസ്സിൽ, ഞങ്ങൾക്ക് വിജയിക്കാൻ കഴിയാത്ത നിരവധി ലോകകപ്പുകൾ കളിച്ചിട്ടുണ്ട്, അതിനാൽ, എല്ലാ മുതിർന്ന കളിക്കാരുടെയും (2011-ൽ) വികാരങ്ങൾ ഞാൻ മനസ്സിലാക്കുന്നു. സച്ചിൻ ടെണ്ടുൽക്കറെ സംബന്ധിച്ചിടത്തോളം, അത് അദ്ദേഹത്തിന്റെ അവസാന ലോകകപ്പായിരുന്നു. അപ്പോഴേക്കും അദ്ദേഹം നിരവധി ലോകകപ്പുകൾ കളിച്ചിരുന്നു, എന്നാൽ സ്വന്തം മണ്ണിൽ അത്തരത്തിൽ ഒരു ട്രോഫി നേടാനായത് ചെറിയ കാര്യാമല്ല ”കോഹ്ലി പറഞ്ഞു.
2011ലെ ലോകകപ്പിൽ ഒമ്പത് മത്സരങ്ങളിൽ നിന്നായി 282 റൺസാണ് കോഹ്ലി നേടിയത്. വാങ്കഡെയിൽ നടന്ന ഫൈനലിൽ 35 റൺസാണ് താരം നേടിയത്. 2011-ലെ 23-കാരനെന്ന നിലയിൽ ലോക ക്രിക്കറ്റ് ചരിത്രത്തിലെ അനുഭവം കോഹ്ലി അനുസ്മരിച്ചു, ഞങ്ങൾ പോകുന്നിടത്തെല്ലാം ആളുകൾ എപ്പോഴും പറയും, “ലോകത്തെ കൊണ്ടുവരിക” ഇതായിരുന്നു ഉപദേശം. മുതിർന്ന താരങ്ങൾ സമ്മർദത്തെ നന്നായി കൈകാര്യം ചെയ്തതായും മുൻ ഇന്ത്യൻ ക്യാപ്റ്റൻ പറഞ്ഞു.
“ഞങ്ങൾ യാത്ര ചെയ്യുമ്പോൾ എല്ലാ കളിക്കാരിലും ഉണ്ടായിരുന്ന സമ്മർദ്ദം ഞാൻ ഓർക്കുന്നു, നന്ദി, അന്ന് സോഷ്യൽ മീഡിയ ഇല്ലായിരുന്നു. സത്യസന്ധമായി അത് ഉണ്ടെങ്കിൽ അതൊരു പേടിസ്വപ്നമാകുമായിരുന്നു. എന്നാൽ വിമാനത്താവളങ്ങളിലൂടെ നടക്കുമ്പോൾ ഒരു ചിന്ത ആയിരുന്നു- നമുക്ക് കപ്പ് നേടേണ്ടതുണ്ട്. സീനിയർ കളിക്കാർ സമ്മർദ്ദം നന്നായി കൈകാര്യം ചെയ്തു. ” കോഹ്ലി ഓർക്കുന്നു.
പല സൂപ്പർ താരങ്ങളുടെയും അവസാന ലോകകപ്പ് എന്ന നിലയിൽ ഇന്ത്യയിൽ ഇത്തവണ നടക്കുന്ന ടൂർണമെന്റിന് ഒരുപാട് പ്രത്യേകതകൾ ഉണ്ട്.