ലീഗ് സ്റ്റേജിലെ അവസാന മത്സരത്തില് ആര്സിബിയോട് തോറ്റെങ്കിലും എല്എസ്ജി നായകന് റിഷഭ് പന്ത് ശ്രദ്ധേയ പ്രകടനമാണ് കാഴ്ചവച്ചത്. ഈ സീസണിലെ ആദ്യ സെഞ്ച്വറി നേടിയ താരം വിമര്ശകര്ക്കെല്ലാം വായടപ്പിക്കുന്ന മറുപടിയാണ് നല്കിയത്. 61 പന്തില് 11 ഫോറും എട്ട് സിക്സും ഉള്പ്പെടെ 118 റണ്സാണ് പന്ത് ആര്സിബിക്കെതിരെ അടിച്ചുകൂട്ടിയത്. എന്തിനാണ് തനിക്ക് ഇത്രയും കോടി തരുന്നത് എന്നതിന് ഗംഭീര ഇന്നിങ്സിലൂടെ മറുപടി കൊടുക്കുകയായിരുന്നു പന്ത്.
സെഞ്ച്വറി പ്രകടനത്തിന് ശേഷം പന്തിന്റെതായി നടന്ന സെലിബ്രേഷന് ആരാധകര് ഒന്നടങ്കം ഏറ്റെടുത്തിരുന്നു. തന്റെ പ്രൈസ് ടാഗ് സമ്മര്ദങ്ങള്ക്ക് ഒടുവില് ഒരു ആശ്വാസം കിട്ടിയപ്പോഴായിരുന്നു പന്തിന്റെ ആഘോഷം. അതേസമയം റിഷഭ് പന്തിന്റെ സെലിബ്രേഷന്റെ സമയത്ത് അനുഷ്ക ശര്മ്മയ്ക്കൊപ്പം ഇരുന്ന ഒരു സ്ത്രീ താരത്തെ അധിക്ഷേപിച്ചുകൊണ്ട് സംസാരിക്കുന്നതിന്റെ ഒരു വീഡിയോ പുറത്തിറങ്ങിയിരുന്നു.
ഇവര് ‘സ്റ്റുപിഡ്’ എന്ന് വീഡിയോയില് പറയുന്നതായാണ് കാണുന്നത്. ഇത് റിഷഭ് പന്തിനെ അധിക്ഷേപിച്ചുകൊണ്ട് പറയുകയാണെന്നാണ് വീഡിയോയ്ക്ക് ശേഷം ആരാധകര് കമന്റിട്ടത്. മാളവിക നായക് എന്നാണ് ഇവരുടെ പേരെന്നും അനുഷ്ക ശര്മ്മയ്ക്കൊപ്പം എപ്പോഴും ഇവരെ കാണാമെന്നുമാണ് ഒരാള് പറഞ്ഞത്. ഏതായാലും ഇവര്ക്കെതിരെ വലിയ രീതിയിലുളള വിമര്ശനമാണ് സോഷ്യല് മീഡിയയില് വരുന്നത്.
View this post on Instagram