ടി20 ലോകകപ്പില്‍ ഇന്ത്യയുടെ വിക്കറ്റ് കീപ്പര്‍ ആവേണ്ടത് ആരാവണം? പരിക്ക് ഭേതമായി റിഷഭ് പന്ത് തിരിച്ചെത്തിയതോടെ ഈ ചര്‍ച്ച കൂടുതല്‍ സജീവമായിരിക്കുകയാണ്. ഇപ്പോഴിതാ ഇക്കാര്യത്തില്‍ തന്റെ വിലയിരുത്തല്‍ വ്യക്തമാക്കി രംഗത്തുവന്നിരിക്കുകയാണ് വിന്‍ഡീസ് ഇതിഹാസ താരം ബ്രയാന്‍ ലാറ. റിഷഭ് പന്ത്, സഞ്ജു സാംസണ്‍ എന്നിവരെയാണ് ഇന്ത്യ വിക്കറ്റ് കീപ്പറാക്കേണ്ടതെന്നാണ് ലാറ പറയുന്നത്.
സഞ്ജു സാംസണും റിഷഭ് പന്തും തമ്മിലാണ് മത്സരം നടക്കുന്നതെന്ന് ഉറപ്പാണ്. രണ്ട് പേരും ടി20 ലോകകപ്പ് കളിക്കാന്‍ യോഗ്യരാണ്. രണ്ട് പേര്‍ക്കും മധ്യനിരയില്‍ കളിക്കാനാവുമെന്നതിനാല്‍ ഇവരെ ടി20 ലോകകപ്പിലേക്ക് പരിഗണിക്കാവുന്നതാണ്.
സഞ്ജുവിനെ ഓപ്പണറായും പരിഗണിക്കാം. ഏത് ബാറ്റിംഗ് പൊസിഷനിലും അവന് അനായാസം കളിക്കാനാവും. ഇരുവരും ഏറ്റവും മികച്ചതാണ് ഇതുവരെ ചെയ്തുകൊണ്ടിരിക്കുന്നത്- ലാറ പറഞ്ഞു.
നിലവില്‍ ഏറ്റവും കടുത്ത മത്സരം നടക്കുന്നത് വിക്കറ്റ് കീപ്പര്‍ സ്ഥാനത്തേക്കാണ്. ഋഷഭ് പന്ത്, സഞ്ജു സാംസണ്‍, ജിതേഷ് ശര്‍മ, കെ.എല്‍ രാഹുല്‍, ഇഷാന്‍ കിഷന്‍, ദ്രുവ് ജുറേല്‍ എന്നിവരെല്ലാം ഈ സ്ഥാനം നോട്ടമിടുന്നവരാണ്.
