ഓസ്ട്രേലിയയെ ഇന്നിംഗ്സിനും 132 റൺസിനും പരാജയപ്പെടുത്തിയ ഇന്ത്യ നാല് മത്സരങ്ങളടങ്ങിയ ടെസ്റ്റ് പരമ്പരയിൽ 1-0ന് മുന്നിലെത്തി. രണ്ടാം ഇന്നിംഗ്സിൽ ആർ അശ്വിൻ 5 വിക്കറ്റ് വീഴ്ത്തിയപ്പോൾ മുഹമ്മദ് ഷമിയും രവീന്ദ്ര ജഡേജയും രണ്ട് വിക്കറ്റ് നേടിയും തിളങ്ങി,
പാറ്റ് കമ്മിൻസിന്റെ നേതൃത്വത്തിലുള്ള ടീമിന് ആദ്യ ഇന്നിങ്സിൽ നേടാനായത് 177 റൺസ് മാത്രമാണ് നേടാനായത്. രോഹിതിന്റെ സെഞ്ചുറിയുടെയും അക്സർ പട്ടേലിന്റെയും രവീന്ദ്ര ജഡേജയുടെയും അർദ്ധ സെഞ്ചുറി കരുത്തിലും ഇന്ത്യ എടുത്തത് 400 റൺസാണ്.
രണ്ട് ഇന്നിങ്സിലുമായി 7 വിക്കറ്റും 70 റൺസും നേടിയ താരം പരിക്കിന് ശേഷമുള്ള തിരിച്ചുവരവ് ഗംഭീരമാക്കി. മത്സരത്തിൽ നിന്നുള്ള ഒരു വീഡിയോ ക്ലിപ്പിനെച്ചൊല്ലി താരം ആദ്യ ദിനത്തിൽ വിവാദത്തിൽ പെട്ടിരുന്നു.
ക്ലിപ്പിൽ, ഇടംകൈ സ്പിന്നർ തന്റെ വിരലിൽ ഒരു പദാർത്ഥം പ്രയോഗിക്കുന്നത് കാണാമായിരുനി. ഫാസ്റ്റ് ബൗളർ മുഹമ്മദ് സിറാജിന്റെ കൈയിൽ നിന്ന് ബൗളർ അത് എടുക്കുന്ന ദൃശ്യങ്ങൾ പുറത്തുവന്നു. ജഡേജ തന്റെ ചൂണ്ടുവിരലിൽ പദാർത്ഥം പുരട്ടുന്നതായിട്ട് കാണാൻ സാധിക്കുന്നുണ്ട്. വീഡിയോ വൈറലായതിന് ശേഷം സോഷ്യൽ മീഡിയയിൽ, പ്രത്യേകിച്ച് ഓസ്ട്രേലിയൻ ക്രിക്കറ്റ് വൃത്തങ്ങളിൽ നിന്ന് ധാരാളം പ്രതികരണങ്ങൾ ഉണ്ടായിരുന്നു. ജഡേജ പന്തിൽ കൃത്രിമം കാണിച്ചോ എന്ന് വരെ ഓസ്ട്രേലിയൻ മാധ്യമങ്ങൾ ചോദ്യം ചെയ്തു. വേദനക്ക് പുരട്ടുന്ന ക്രീമാണ് ജഡേജ പുരട്ടിയത് എന്നായിരുന്നു ഇന്ത്യൻ ബോർഡിന്റെ നിഗമനം. എന്തായലും ഐസിസി നിയമങ്ങൾ തെറ്റിച്ചതിന് മാച്ച് ഫീസിന്റെ 25 % ജഡേജക്ക് ഇപ്പോൾ പിഴയായി കിട്ടിയിരിക്കുകയാണ്.
ഓസ്ട്രേലിയൻ മാധ്യമങ്ങൾ ജഡേജയെ ട്രോളിയപ്പോൾ അതിനുള്ള കലക്കൻ മറുപടിയാണ് ഇയാൻ ഹിഗ്ഗിൻസ് നൽകിയിരിക്കുന്നത് “ജഡേജ കൈയിൽ ക്രീം പുരട്ടിയില്ലെങ്കിൽ ഓസ്ട്രേലിയ 600 റൺസിന് ജയിക്കുമായിരുന്നുവെന്ന് ഞാൻ പ്രതീക്ഷിക്കുന്നു,” അദ്ദേഹം എഴുതി.