വെടിക്കെട്ട് ബാറ്റര്‍മാര്‍ കൊണ്ട് സമ്പന്നമായ ബാറ്റിങ് നിരയാണ് മുന്‍ സീസണുകള്‍ മുതല്‍ സണ്‍റൈസേഴ്‌സ് ഹൈദരാബാദിനുളളത്. ടോപ് ഓര്‍ഡറും മധ്യനിരയുമെല്ലാം പെര്‍ഫക്ട് ആയിരുന്ന ഒരു കാലമുണ്ടായിരുന്നു അവര്‍ക്ക്. ഇവരുടെയെല്ലാം ബലത്തില്‍ ഐപിഎലിലെ കൂറ്റന്‍ സ്‌കോര്‍ നേടിയെടുക്കാനും ഹൈദരാബാദിന് സാധിച്ചു. എന്നാല്‍ ഇത്തവണ ആദ്യ മത്സരം ഒഴിച്ചുനിര്‍ത്തിയാല്‍ അവരുടെ ബാറ്റിങ് നിരയുടെ പ്രകടനം വളരെ മോശമാണ്. ഇതില്‍ പ്രത്യേകം എടുത്ത് പറയേണ്ടത് ഓപ്പണര്‍ അഭിഷേക് ശര്‍മ്മയുടെ ഫോമാണ്. പുതിയ സീസണ്‍ തുടങ്ങി ഇതുവരെയായിട്ടും ഒരു ഇംപാക്ടുളള ഇന്നിങ്‌സ് കാഴ്ചവയ്ക്കാന്‍ യുവതാരത്തിന് സാധിച്ചിട്ടില്ല.
അഭിഷേക് ശര്‍മ്മ എന്താണ് ഇത്തവണ കാണിച്ചുകൂട്ടുന്നതെന്ന് മനസിലാവുന്നില്ലെന്ന് പറയുകയാണ് മുന്‍ ഇന്ത്യന്‍ താരം ആകാശ് ചോപ്ര. കൂടാതെ ഹൈദരാബാദിലെ മറ്റു യുവതാരങ്ങളുടെ പ്രകടനങ്ങളെകുറിച്ചും ചോപ്ര മനസുതുറന്നു. “നിതീഷ് കുമാര്‍ റെഡ്ഡിയുടെ ഷോട്ടുകളെ കുറിച്ച്‌ എനിക്ക് മനസിലാകുന്നില്ല. ആദ്യ മാച്ചില്‍ തിളങ്ങിയെങ്കിലും ഇഷാന്‍ കിഷന് പിന്നീടുളള കളികളില്‍ മൂന്ന് കുറഞ്ഞ സ്‌കോറുകള്‍. അഭിഷേക് ശര്‍മ്മ ഇപ്പോള്‍ പഴയതുപോലെയല്ല. അവന്‍ ഷോട്ടുകള്‍ കളിക്കുന്നുണ്ട്. പക്ഷേ ഏത് ഘട്ടത്തിലാണ്, റണ്‍സിന്റെ അഭാവമല്ല, ഫോമിന്റെ അഭാവമാണെന്ന് നിങ്ങള്‍ പറയുന്നത്.
അവനെ നന്നായി കാണപ്പെട്ടു. എന്നാല്‍ പിന്നെ ഒരിക്കല്‍ ഫോംഔട്ടായി, പിന്നെ റണ്‍സ് നേടിയില്ല. പിന്നെയും ഒരിക്കല്‍കൂടി പുറത്തായി. പെട്ടെന്ന് നാല് ഇന്നിങ്‌സുകള്‍ കഴിഞ്ഞു. നീ റണ്‍സൊന്നും സ്‌കോര്‍ ചെയ്യുന്നില്ല. പിന്നെ എന്താണ് സംഭവിക്കുന്നതെന്ന് എല്ലാവരും ചോദ്യങ്ങള്‍ ചോദിക്കാന്‍ തുടങ്ങും”, ആകാശ് ചോപ്ര പറഞ്ഞു.