ഓൾറൗണ്ടർ വെങ്കിടേഷ് അയ്യർ മുൻ കൊൽക്കത്ത നൈറ്റ് റൈഡേഴ്സ് (കെകെആർ) കോച്ച് ബ്രണ്ടൻ മക്കല്ലത്തിന് സമീപ വർഷങ്ങളിലെ തന്റെ വിജയത്തിന് നന്ദി പറയുന്നു. മുൻ ന്യൂസിലൻഡ് ക്യാപ്റ്റൻ ഐപിഎൽ 2021 ന്റെ രണ്ടാം പകുതിയിൽ അയ്യരെ ടോപ് ഓർഡറിലേക്ക് പ്രൊമോട്ട് ചെയ്യുകയും പിന്നീട് നീ നീക്കം കൊൽക്കത്തയെ ഫൈനൽ വരെ എത്തിക്കുന്നതിൽ നിർണായക പങ്ക് വഹിക്കുകയും ചെയ്തു.
ആ സീസണിലെ ഫൈനൽ വരെ കെകെആറിന്റെ അവിശ്വസനീയമായ കുതിപ്പിൽ ചെറുപ്പക്കാരൻ അയ്യരാണ് നിർണായക ശക്തിയായത്. ഇപ്പോഴിതാ മക്കല്ലം നൽകിയ പിന്തുണക്കും പോസിറ്റീവ് സമീപനത്തിനും പരിശീലകനോട് നന്ദിയും കടപ്പാടുമുണ്ടെന്ന് പറയുകയാണ് വെങ്കിടേഷ് അയ്യർ.
“എന്റെ ജീവിതത്തിൽ ഞാൻ കണ്ടിട്ടുള്ളതിൽ വച്ച് ഏറ്റവും ശുഭാപ്തിവിശ്വാസമുള്ള വ്യക്തിയാണ് ബാസ്. ഞങ്ങൾ ഒരു മത്സരത്തിൽ 60/ 7 എന്ന നിലയിൽ നിൽക്കുക ആയിരുന്നു, വിജയിക്കാൻ 80-ഓളം റൺസ് കൂടി വേണ്ടിവന്നിരുന്നു. അദ്ദേഹം ഞങ്ങളോട് പറഞ്ഞു, ‘ഇനി 13 സിക്സറുകൾ കൂടി മതി. എളുപ്പമല്ല എന്നറിയാമെങ്കിലും ഈ ചെറിയ കാര്യങ്ങൾ നിങ്ങളെ വിശ്വസിക്കാനും നിങ്ങളെ കൊണ്ട് ഇത് പറ്റുമെന്ന് തോന്നൽ ഉണ്ടാക്കുകയും ചെയ്യും.”
അയ്യർ കൂട്ടിച്ചേർത്തു:
“അദ്ദേഹം വളരെ കംപോസ്ഡ് ആണ്, ഡഗൗട്ടിൽ ഇപ്പോഴും സജ്ജനാണ്, സമ്മർദ്ദം ആരെയും ബാധിക്കാൻ അനുവദിക്കില്ല. എല്ലാവരേയും അവരുടെ സ്വാഭാവിക ഗെയിം കളിക്കാൻ അനുവദിക്കുകയും അവിടെ പോയി ഗെയിം ആസ്വദിക്കാൻ ചെയ്യാനും പറയുകയുമാണ് എപ്പോഴും പറയുന്ന കാര്യം.