ഗള്‍ഫില്‍ നിന്ന് കേരളത്തിലേക്ക് ഇന്ന് ഒമ്പതു വിമാനം സര്‍വീസ് നടത്തും. ഇവയില്‍ അഞ്ച് സര്‍വീസും യു.എ.ഇയില്‍ നിന്നാണ്. ദുബായില്‍ നിന്ന് കേരളത്തിലെ എല്ലാ റൂട്ടുകളിലേക്കും വ്യാഴാഴ്ച സര്‍വീസുണ്ട്. അബുദാബിയില്‍ നിന്ന് കൊച്ചിയിലേക്കും സര്‍വീസുണ്ടാകും.
ദുബായ്-കൊച്ചി വിമാനം പ്രാദേശിക സമയം രാവിലെ 11.50-ന് പുറപ്പെടും. ഉച്ചയ്ക്ക് 12.50-ന് ദുബായ്-കണ്ണൂര്‍ വിമാനവും, 3.20-ന് ദുബായ്-കോഴിക്കോട് വിമാനവും, വൈകീട്ട് 5.20-ന് ദുബായ്-തിരുവനന്തപുരം വിമാനവും, ഉച്ചയ്ക്ക് 1.50-ന് അബുദാബി-കൊച്ചി വിമാനവും യാത്രതിരിക്കും.
കുവൈറ്റ്-തിരുവനന്തപുരം വിമാനം പ്രാദേശികസമയം രാവിലെ 11.20-നും മസ്‌കറ്റ്-കോഴിക്കോട് വിമാനം രണ്ടു മണിക്കും ബഹ്റിന്‍-കൊച്ചി വിമാനം ഉച്ചയ്ക്ക് 2.10-നും സലാല-കണ്ണൂര്‍ ഐ.എക്‌സ്. വിമാനം ഉച്ച കഴിഞ്ഞ് 3.10-നും പുറപ്പെടും. ഇതോടെ ആയിരത്തറുനൂറിലേറെ പ്രവാസികള്‍ കൂടി കേരളത്തില്‍ തിരിച്ചെത്തും.