ന്യൂയോർക്കിന്റെ ചരിത്രത്തിൽ ആദ്യ മുസ്ലിം മേയർ ആയി തിരഞ്ഞെടുക്കപ്പെട്ട് ഇന്ത്യന് വംശജനും ഡെമോക്രാറ്റിക് പാര്ട്ടി സ്ഥാനാര്ത്ഥിയുമായ സൊഹ്റാന് മംദാനി. മുൻ ഗവർണർ ആൻഡ്രൂ ക്യൂമോ, റിപ്പബ്ലിക്കൻ സ്ഥാനാർത്ഥി കർട്ടിസ് സ്ലിവ എന്നിവരെ പരാജയപ്പെടുത്തിയാണ് സോഹ്റാൻ മംദാനിയുടെ ഈ നേട്ടം.
ന്യൂയോർക്കിൽ മേയറാകുന്ന ആദ്യ ഇന്ത്യൻ-അമേരിക്കൻ മുസ്ലിമാണ് 34-കാരനായ സൊഹ്റാൻ മംദാനി. 1969ന് ശേഷം ഏറ്റവുമധികം പോള് ചെയ്യപ്പെട്ട ന്യൂയോര്ക്ക് സിറ്റി മേയര് തിരഞ്ഞെടുപ്പ് എന്ന പ്രത്യേകത കൂടി ഈ തിരഞ്ഞെടുപ്പിലുണ്ട്. 2 മില്യണ് വോട്ടുകള് പോള് ചെയ്യപ്പെട്ടതായി ന്യൂയോര്ക് സിറ്റ ബോര്ഡ് ഓഫ് ഇലക്ഷന്സ് എക്സില് കുറിച്ചു. മംദാനിക്ക് 51 ശതമാനത്തിലേറെ വോട്ടുകള് ലഭിച്ചെന്നാണ് പുറത്തുവരുന്ന റിപ്പോര്ട്ടുകള്.
ന്യൂയോര്ക്ക് നഗരത്തിന്റം ആദ്യത്തെ മുസ്ലീം മേയറും ഏറ്റവും പ്രായം കുറഞ്ഞ മേയറുമാകാന് ഒരുങ്ങുകയാണ് മംദാനി. ഇന്ത്യന് വംശജായ വളരെ പ്രശസ്തയായ സംവിധായിക മീരാ നായരുടെ മകനാണ് 33 വയസുകാരനായ മംദാനി. 2018ലാണ് അദ്ദേഹത്തിന് അമേരിക്കന് പൗരത്വം ലഭിക്കുന്നത്. ഡോണള്ഡ് ട്രംപിന്റെ കണ്ണിലെ കരടാണ് മംദാനി. ബെഞ്ചമിന് നെതന്യാഹു ന്യൂയോര്ക്കില് കാലു കുത്തിയാല് പൊലീസിനെ കൊണ്ട് അറസ്റ്റ് ചെയ്യിപ്പിക്കും എന്ന് മംദാനി പറഞ്ഞത് അന്തരാഷ്ട്ര തലത്തില് ശ്രദ്ധേയമായിരുന്നു.