രാജ്യതലസ്ഥാനത്ത് കർഷക പ്രക്ഷോഭം കത്തിനിൽക്കുമ്പാേൾ ദീപാവലി ആഘോഷത്തിനിടെ താളം പിടിച്ചുനിൽക്കുന്ന മോദിയുടെ വീഡിയോക്കെതിരെ വിമർശനവുമായി മുതിർന്ന അഭിഭാഷകൻ പ്രശാന്ത് ഭൂഷൺ. റോമാസാമ്രാജ്യം കത്തിയെരിയുമ്പാേൾ നീറോ ചക്രവർത്തി വീണ വായിക്കുന്നതു പോലെയാണ് പ്രധാനമന്ത്രി നരേന്ദ്രമോദിയെന്ന് പ്രശാന്ത് ഭൂഷൺ പറഞ്ഞു. വാരാണസിലെ ദേവ് ദീപാവലി ആഘോഷത്തിനിടെ താളം പിടിച്ചുനിൽക്കുന്ന മോദിയുടെ ചെറു വീഡിയോ പങ്കുവെച്ചാണ് പ്രശാന്ത് ഭൂഷൻെറ വിമർശനം.
“തക് ദിൻ എ തക് ദിൻ! ബൈ ബൈ ലെെറ്റ്സ്… ഇന്ത്യ കത്തുമ്പാേൾ മോദി വീണ വായിക്കുന്നു” -പ്രശാന്ത് ഭൂഷൺ ട്വീറ്റ് ചെയ്തു.
രാജ്യത്ത് കാർഷിക പ്രക്ഷോഭം കരുത്താർജ്ജിക്കുമ്പോഴാണ് മോദിയുടെ വാരാണസി സന്ദർശനം. വാരാണസിയിലെ സന്ദർശനത്തിനിടെ കാശിയിലെ ദേവ് ദീപാവലി ആസ്വദിക്കുന്നതാണ് വീഡിയോ. ചടങ്ങിനിടെ സംഘടിപ്പിച്ച ലേസർ ഷോയും ശിവതാണ്ഡവ സ്തുതിയും ആസ്വദിച്ച് മോദി നിൽക്കുന്ന വീഡിയോ പ്രധാനമന്ത്രിയുടെ ട്വിറ്റർ അക്കൗണ്ടിൽ തന്നെയാണ് ആദ്യം പോസ്റ്റ് ചെയ്തത്. ലേസർ ഷോയ്ക്കും പാട്ടിനും അനുസരിച്ച് മോദി വിരലുകൾ ചലിപ്പിക്കുന്നതും തോണിയിൽ പോകുന്നവരെ കൈ ഉയർത്തി കാണിക്കുന്നതും വീഡിയോയിൽ കാണാം. ഇതിനോടകം തന്നെ മോദി ട്വിറ്ററിൽ പങ്കുവെച്ച വീഡിയോയിൽ വിമർശനവും പരിഹാസവും ട്രോളുകളും നിറഞ്ഞിരുന്നു.