ബിഹാറിൽ മുഖ്യമന്ത്രി കസേര നിതീഷ് കുമാറിന് തന്നെ. ബിഹാറില് മന്ത്രിസഭാ രൂപീകരണ ചര്ച്ചകള് നിര്ണായക ഘട്ടത്തിലാണ്. ഡൽഹിയിൽ അമിത് ഷായുമായി ജെഡിയു നേതാക്കളായ സജ്ജയ് ഝായും കേന്ദ്രമന്ത്രി ലല്ലന് സിങ്ങും നടത്തിയ കൂടിക്കാഴ്ചയില് മന്ത്രിസഭ പ്രാതിനിധ്യത്തില് ഏകദേശ ധാരണയായതായാണ് സൂചന.
റിപോർട്ടുകൾ അനുസരിച്ച് ജെ ഡി യുവിന് 14 വരെ മന്ത്രിമാരുണ്ടാകും. ബി ജെ പിക്ക് ഉപമുഖ്യമന്ത്രി പദം ഉള്പ്പെടെ 16 മന്ത്രിമാര്. ചിരാഗ് പാസ്വാന്റെ എല് ജെ പിക്ക് മൂന്നും ജിതിന് റാം മാഞ്ചിയുടേയും ഉപേന്ദ്ര കുശ്വയുടേയും പാര്ട്ടികള്ക്ക് ഓരോ മന്ത്രിസ്ഥാനവും ലഭിക്കും.
നാളെ പട്നനയില് 202 എന് ഡി എ എം എല് എമാര് യോഗം ചേര്ന്ന് കക്ഷി നേതാവായി നിതീഷ് കുമാറിനെ തിരഞ്ഞെടുക്കും. പത്താം തവണ മുഖ്യമന്ത്രിയായി ചരിത്രം സൃഷ്ടിക്കാനൊരുങ്ങുന്ന നിതീഷ് തുടര്ച്ചയായി അഞ്ച് തവണ പദവിയിലെത്തുന്നുവെന്ന പ്രത്യേകതയും ഉണ്ട്. അതേസമയം നിലവില് അധികാരം പങ്കിടൽ ധാരണകളൊന്നും ബി ജെ പി – ജെ ഡി യു ചർച്ചകളിൽ ഉണ്ടായിട്ടില്ല.